7月1日:
今日第一日返工，岩岩入到去咩都唔識，只有呆呆地企係度•
等到大姐返來帶我個陣，也是最忙個陣，
好幸運我學習能力好，好快上手。雖然都有几次失誤，但都無被人鬧
，發覺呢份工應該會做得几開心。同我一起開工的都係阿姐個輩•只有2個係中五都係暑期工的。佢地6月已經黎做了，岩岩識個陣都無几句講，大家自己做自己野。佢地2個性格睇得出差好遠，一個一路係咁講野，無聊個陣都是但呃d野出黎講•另一個同我都係度听，覺得好笑咪笑下•不過笑了又會被佢串。...............
放工個陣部長仲問我辛唔辛苦!我話几啦!!
佢同我講星期日係忙d~而且第1日返工係疲d~個個都係咁!!
听左之後得無咁辛苦了!! 嗯嗯~~有意義的一天。
7月2日~
第2日返黎酒樓，d阿姐帶我去3樓食飯~等我到個陣已經無咩送了~
其實我都無咩所謂~成日都一日2餐咁過拉~咪飲碗湯算!!
落返去做野..果然今日無咁忙~有大堆時間係度吹水!
部長同大家都几和諧!得閒都會攞d野出黎俾大家食，不過經理一入黎就即刻收埋。大家都好合作咁!!吹脹!!
7月3日"
又係得閒的一日~雖然係屋企個陣都係唔多想返黎~
但返左黎又覺時間過得好快~吹吹下水又10點几~!
今日我同個無咁多野講個人一起玩五子棋~係咁被人叫"快d啦~快d啦"
我好認真諗緊嘛!!搞到一子落錯~就輸鬼左~
結果要幫佢出埋一張台的野!!!my god!
係張單畫畫個陣部長突然行入黎~嚇得我即刻扔左支筆~隔離個位就係咁笑!!- -
同部長傾計個陣佢問我真係得16ga?我話係呀!
佢話我咁細個就有好重的男人味= =??
男人味- -??? 乜我好成熟咩?? 我好細個的!嗯嗯~
我未問佢點解就有野要做~!so...無問到!!
7月4日~
又是平凡的一日返工日~
部長再次問我几時去恒生銀行開戶口~
d粮要過戶~ .....5號我放假的~佢要我去開~
但係.....唔知去邊度開~!!我同佢講遲d先~佢俾左個時限我!
係20號之前要交個戶口號碼俾佢!! 唉!几時得閒去開呢!?
要等到12號掛~!個日諗住出街買埋條褲同埋開戶`吧!!應該黎得及掛!!~
7 月5號~!
如期放假~係企玩大富呢d遊戲~悶到出血!!
今日攞左6個橙出黎炸汁~都炸到4杯咁多!hehe!好好味呀~!
食d果肉都食到飽哂~咁又可以當一餐!!
無返工的日子一日到晚都係度c電視~!听返部長講個句!
出黎做野咪几好~係屋企成日對住部電腦又一日。人地返工你訓覺，
人地訓覺你打机- -:浪費時間!!
依家諗返其實打机都唔係咁重要的~!
得閒出街行下睇下戲~都可以好開心的度日^^
|
