陸運會,唔明做乜揀係星期五,仲要揀係葵涌運動場,仲話多野食D,未又係得麥記？青衣城一定好過佢

嘩,真係呆坐係看台坐足半日,係咁搵博哥同朱古力傾下計,仲想叫我去守廁所？(prefect),

我條氣有D唔順,唔想去守廁所,肥彤又問我借左個prefect 牌,話去左貽寶搵fd,我不嬲都樂於助人,

未借比佢囉...好唔容易等到食晏,同梓楠,梁俊豪,博哥搵野食,點知得D撈麵個D野,

結果死死氣沖去新都會麥記食,仲要冇位坐,要出去D露天樓梯度食,夠慘未？

食完晏,返去看台坐一坐,好快男子丙組1500米召集,我比左個prefect 牌肥彤就落左去

落去聽佢講完點跑,起碼仲有15分鐘先跑得...早知上番看台坐陣先...

今次跑1500米的對手係D中一仔,唔驚,中二係得朱億同梓楠,係驚佢2個姐..

起跑啦,我同梓楠話互相支持,一齊跑,所以一起步我地已經跨越曬所有對手,得我地兩個係度跑,

跑呀跑呀,跑到好累,每呼一口氣都好熱,叫梓楠停低黎休息下,佢好似聽唔到,

我因為講左句野而慢左,我停左一停即刻又衝去追番梓楠,

之後劉siR叫我停,我先知自己做左第一...,剛才停個下真係拿命,隻眼黑曬,對腳唔使講,冇曬力

返上看台D人話我威曬,都係贏D中一姐...肥彤叫我上去坐,係咁唱歌比我聽,

佢廣東話又唱,普通話又唱,佢仲話未唱英文,星期一有排死