今朝全靠細欣叫醒我 我先起到身返工 唔係都唔知點算 唔該哂^^

去到平時食早餐間茶餐廳到 見仲有時間 就揀公仔麵做早餐

點不知個麵好耐都冇到 要迫我轉外賣 我想堂食丫.....

扲到返公司 一打開 唉 d麵林哂 點食丫....

食完個麵就換衫去做野

真係比我講中 今日有好多野做 但又比我係百忙中搵到時間練健wo

之前學錯左既 依家開始改到 好開心^^

到食飯時間 我就同我師兄肥仔 昇 小文傾中學d事

聽到佢地講返以前d野 回想返以前中學發生左既事 真係超開心 

到下咒 我同昇去左房仔到練舞啦 點不知突然有個師父入左黎

哦 原來佢都係黎蛇王既 自己友

跳跳下 又有個師父入黎 佢入黎原來係想賣佢部擴音器比我地

最後 傾好左價錢後 就一手交錢 一手交貨

好野 以後房仔就可以超大聲咁播歌啦

到放工 我同昇係到等巴士果陣

突然有個中學肥仔行左過黎

問我地借7蚊返屋企

果陣我得一個2蚊同一張二十蚊

丫昇又冇錢 (其實唔想比佢咋.....)

最後 我比左二十蚊佢 算啦 幫人ma (一次咁多)

因為聽日返學既關係 應該會打機打到好夜

期待星期日~