今日，係學校既parent's day，亦都即係派成績表之日。
今年第一年讀中學，考試當然唔好~一班有40人，我係全班就黎第尾，全級200人，我屬中下，好差！而且IS仲FAIL添！慘慘~不過，雖然今日係parent's day，但係因為我要番小學，所以我並冇跟阿爸、媽去學校，得佢地兩個自己去，比我班主任盡情錦篤我背隻！不過，估唔到我班主任唔但止冇錦做，反而仲幫我講好說話添！
聽我阿爸講，雖然我數學同英文都pass，不過我班主任話我數學同埋英文要努力d，佢問我阿爸點解我d成績會唔係太好，而我阿爸就話最大分別係係小學時，我有補習，而依家並冇。阿爸因為錦，就問我班主任洗唔洗搵補習，不過，我班主任就話等我適應下先，唔洗刻意去搵補習。只要平日備多d課，相信會好d。不過，有一樣我意想不到既，就係佢所讚我既說話。根據我阿爸講，我班主任話我平時上堂好留心、好認真，但係就得到錦既成績，有少少意外、驚訝。除左錦之外，因為我係班會副主席，籌備之前果個x'mas party好好，所以佢讚我係一個好有效率既班會副主席，處理班務亦好認真。另外，佢亦話操行有"A"既全班好少，而我係其中一個，佢話因為我係禮貌、上堂留心、helpful(唔識譯helpful，唔好見怪)等等，所以佢就比"A"我。
今次真係好多謝我班主任既讚賞同埋教導^"^希望2nd term會更加好啦^"^
| 
