近排都冇麥寫「日記」，通常都係黎作下文錦，今日就寫番篇日記啦！

今日可以話發生左兩件好開心既事！

第一，我成功改左個新版面出黎啦！大家黎到果陣，都已經睇到唔同晒啦~雖然係超級簡單，不過我幾鐘意，因為夠簡潔
而且我仲整左幅超級簡單既blog ban，雖然只係幅字ban，不過我都覺得幾能夠帶出生活既味道

第二，就係拿(拿拿林)討有唔少人讚我NM(拿拿林官方討論區網上雜誌)個封面排得好好，好多謝各位雖然岩岩升左龜子做排版主管，我冇升到，有少少唔甘心...不過能夠比人認同已經好滿足啦！如果大家有興趣睇下我既作品，歡迎去：http://forum.nanaimo.com.hk/ftp/nm200909/index.html
第一頁就係我負責既封面，當然之後亦都有其他版面由我負責啦~

講完今日，講下星期六先！

星期六突然興起叫左堂表姐同表弟去左踩單車......上次踩係幾時呢我都唔係好記得！不過唔係一段短時間。
今次踩單車突然發現我好鐘意既一樣野 - 草地。

雖然草地唔係太大...不過係香港已經算好少好少見~由於我太愛草地，所以我用左哩幅相做電話WALLPAPER  = =b
另外有一幅係另轉身影，角度好似唔係太靚，第一幅好d  ^^

之後踩踩下，發現超級多個衛星接收站=_=
應該係第一次咁近見接收站了...

感覺好宏偉呀！人類真係好叻！(開始語無倫次了...)

下次有靚相再同大家分享吧！