先係道講聲唔好意思~好耐冇都update個blog，因為近排實在冇咩時間...
大家都知，前日就係新學期既開始，各位學生都要重踏校園，小弟當然都唔例外喇~
今年真係幾黑仔，有個出名惡既阿sir黎做班主任，慘慘！好彩佢比想像中冇咁惡，仍然可以接受，暫時鬆一口氣，呼~
另外有一件都唔知係好定壞既事發生左...如果有睇開我個blog，或者識我既人，都應該會知道我f.1被選為班會副主席。而今年，我就升級成為班會主席。講真，我真係想做副多d，話晒d野唔想做、唔知道等等，都可以將個責任推比上司(主席)，不過今年就要一力承擔，OMG！班主任仲要我set個計劃出黎，計下收幾多班會費，更加話平時既雜費，例如旅行車費、學生會費等等，都計落班會費道，結果計左每人要交二百幾。第二日做匯報，就減左少少，最後就係120一個人，都幾多...希望各位體諒下我喇...
除左第一日之外，之後既日子都係番全日，放三點半...搞錯！應該頭三日都放三點半丫嘛！哼！

聽日就係TM!出版第16期既大日子，不過，依家都仲有好多野未搞掂...封面、專訪、目錄、封底、娛樂新聞眼、心理測驗都未排版，網頁碼亦都未寫，今次真係死得人多...我今日趕起左超過5個版，真係服晒我自己...其他就聽日先趕埋佢喇，哈哈！係道要再一次多謝各位職員既幫助，冇你地，就唔會有TM!，多謝晒咁多位。

前幾日無拿拿去左睇D人發既ps教學，結果學左唔少好野，比大家睇下小弟兩幅作品AVA：

係咪好女仔呢，哈哈！平時做ban，好時自己做埋背景，今次就連背景都係自製，而且效果幾好，字就係歌詞黎，大家唔好誤會呀^^字效大家認為點？我認為唔錯丫，不過就略為粗左少少，幼番dd就perfect！

哩個都係我自己做晒既ban，背景就比較濛濛地，字就只係簡單地用左覆蓋，對比上面果幅，就比較冇咁靚，不過我都幾滿意^^~

以上兩個ban既版權字「copyright by Ming」，其實係我想學好耐既字效，製下面果個ban時無意中識左！原來係覆蓋，哈哈！

今日寫住咁多，遲d再update，再見~