今日......都唔知點講好
尋日十個人冇番，
結果今日有十三個冇番！
每班都有大約十個人病左...
睇黎大家都好病喎= =
頭先我以班會主席身份係INTRANET SEND左封電郵
叫佢地小心D，同埋一定要戴口罩番學，
好似好偉大錦......(被踢飛！)

今日知道左，F.2再有一人確診人類豬流感
而F.1就有兩個~
好彩我冇！

上數學堂果陣，悶到嘔電，結果我瀑左係道「閉目養神」
結果冇耐比人罰企！
好彩哩個阿sir係D得把口既人，
企左唔夠五分鐘就比我坐番低，哈哈。

搭緊小巴番屋企既途中，
因為好無聊，所以拎部電話出黎，
上去NM壇睇下有冇新野~
點知比我見到個用戶組變左......
係咩暫時唔講，大家留意住我個BLOG就會知架喇~

之前話會影新屋比大家睇，
結果計劃無疾而終......
本來計劃只會放上FACEBOOK，
不過依家決定改變計劃，
只會係BLOG道比大家睇！
今日就送上第一擊！

- 大廳的一少部分加露台一少部分
- 飯廳一小部分

計劃緊十月頭或者十月中去海洋公園哈囉喂，
如果想一齊去既，話聲比我聽！
本活動並不接受網友申請...