四大唱片公司同無線既版稅糾紛，真係可以話係搵事黎搞。據報道同無線所述，HKRIA成立之後向各大傳媒都大收版稅。開頭果陣就先向加X紅(綠)、NEW"E"Y入手，結果K房唔妥協，HKRIA就便價賣比酒吧，D歌紅唔到先同K房妥協。依家又到無線......

D人成日話無線一台獨大。係免費電視方面，香港得兩間電視台，一個係無線，一個係亞視。其實唔可以話係無線一台獨大，只係亞視廢姐。之前大招外援，搞到依家每日不間斷播韓劇過日子。每年既亞姐都無聲無色錦度過，台慶簡直無人知，D藝員訓練班，訓練左出黎又無人理佢地，真係唔怪得平均得幾點。照錦睇，其實只可以話係一台獨弱，並唔係無線特別強勁。我承認，無線既質素一向都比亞視好。起碼真係個香港電視台，播香港劇，唔係播韓劇。

HKRIA見無線實力雄厚，就向無線大收版稅，結果兩邊反晒面。無線一星期得一個鐘勁歌金曲，收視平均得21點左右，少左HKRIA四間唱片公司既歌手，對無線整體收視根本唔會有影響。因為無線一向都唔係靠音樂節目拎收視，所以冇左佢地，根本對無線唔成大問題。HKRIA見無線唔SO佢，就打算去亞視到免費播歌。不過，亞視一向實力有限，而且睇電視根本唔係為左聽歌，所以收視一定唔會幫得幾多。去收費電視台？有線、NOW都係靠播足球、電影過日子，或者係報新聞(不過依家比互動新聞台搶埋黎做，哈!)，根本同音樂冇關係。而且，收費同免費始終係唔同性質，實力同收視同無線差一大截，點搞，HKRIA D歌手最後都會由紅轉黑，冇首歌HIT到。最後，咪又係走番去無線度妥協！

ATV、有線等等都話會開音樂節目谷收視，不過成效如何，真係要等下先知。

又有人話點解無線成日捧親生仔女。試問，唔捧親生仔女，捧麥水？捧新聞主播定收音師傅呀？自己捧番自己D人，不論係咩公司，都會錦樣做架啦。亞視、有線等都可以架。只不過佢兩個都無料到姐。亞視哩排力捧星光1班，點知羅生得個似字，似足周倫倫，其他人就連終極比賽都可以錯歌詞，不知所謂！相番無線巨聲，雖然唱歌感情方面有待改進，但起碼唔走音，岩歌詞。最近亞視番炒星光2班，當中更加有參賽者係巨聲100強被踢既，可見實力有限。有線更加唔洗講。成日以為自己係大佬，娛樂新聞台狂寸無線，又狂搰無線人走，自己又冇料到去親自捧個人出黎，成日搞埋D小動作，不知所謂！！！

又有人話無線唔比D歌手去其他電視台出鏡。試問邊有公司比D職員去其他公司幫手做野架！同行如敵國，未聽過牙？有人話佢地係唱片公司員工，唔係無線員工。既然係錦，同無線就唔好簽約啦。簽之前就已經預左。不過點解要決定簽呢？原因只有一個：無線夠強大。係電視界，一講電視台，你一定係稔起無線果個有三隻色既電視圖案，稔起隔黎既翡翠台，或者哩幾年加入既高清翡翠台。打死你都唔會稔起ATV掛？有線同NOW就更加冇可能啦！可見無線有幾強大。成日話：「收視去晒TVB，佢玩晒啦！」自己唔爭氣，唔夠人黎，就話人玩晒，只有低能既先會講得出！