新年快樂~! 係度祝大家身體健康、學業進步、青春常駐~!

踏入虎年第一篇blog，當然要講下虎年哩幾日做左d咩啦！
2月13日 - 年三十晚
同阿爸果邊d親戚食飯，食完之後d大人去左打麻雀，我就同幾個同輩親戚去左唱k，兩點幾先番屋企-v-

2月14日 - 情人節 plus 年初一，當然係同阿爸果邊d親戚拜年，逗利是係一定要做既事！幫補下個銀包
至於情人節哩家野，當然係孤身卦佬一個人。都有send下sms祝人地有好歸屬xD!
年初一夜晚，又同左幾個同輩親戚去唱k，好high 0v0! 兩點幾先番到屋企-v-
連續兩日唱k，呵呵！

2月15日 - 年初二
接住同阿媽果邊d親戚拜年，去左睇煙花(話時話，好耐冇睇過煙花-3-!)之後去左食飯，終於有一日正常時間番屋企-v-

2月16日 - 年初三
竟然去左西貢同阿爸果邊d親戚燒野食！oh god！咁凍去燒野食，一定係凍壞左個腦~!
我個大伯仲痴到帶gas爐去煮麫同糖水！oh my god！世界十大奇景之一！
之後d大人又去左打牌，而我又再去唱k！不過今次得我阿爸、我表姐同我，結果唱左6個鐘！
8點唱到2點！係夜晚！仲耐過演唱會！番到去d大人竟然仲打緊牌，我地三個餓餓地，竟然夜嘛嘛去seven食杯麫！
我仲係第一次係seven食野！我既「第一次」就錦係凌晨兩點半，係得8度左右既環境之下獻左出黎！

好開心，七日唱k三次！人生第一次連續兩日加單一日去做我好鐘意做既野 - 唱k~!
送上新畫作一張~ :