今日放學番到黎, 真係發生左件令我覺得好抵死、又好罕見既事

話說5點3左右, 我細佬個補習老師黎左
誰不知!我細佬係未番到屋企架!!
我當然即刻打比佢問佢係邊, 佢話係隨道口, 岩岩出左隨道
收左線之後, 佢個補習老師就問:「佢去到邊?」
我咪答佢係隨道口出左黎囉
佢就即刻好大聲錦話:「冇可能!!!我半個鐘頭前打比佢, 佢話係隨道, 依家仲係隨道?!」
跟住就即刻打比我細佬鬧佢囧我全程係道聽
明顯佢好火(換轉係我都會.......)
之後就話以後都唔黎~~~
又難怪既, 今次已經唔係第一次
而且我細佬平時因為唔想補, 就成日係臨補習前一兩個鐘sms個老師話取消
數一數, 佢都已經兩個星期冇補過習
有一句我幾同意個老師:「我咁多個學生, 最唔想補既就係佢!」
嘩~一聽到不知幾爽, 抵我細佬死
係個老師同我細佬講電話既過程, 個老師講得最好既就係哩兩個字
算啦
意思係算啦, 我唔再補你啦)
唔知道阿爸會又咩行動呢xD"!
有好戲睇xD!

轉轉話題, 講下學校

聽日中史quiz/test喔!
仲記得上次quiz得到14/40既「佳績」
今次希望合格囧
話說今次範圍細好多, 得十幾頁, 應該唔會太難掛>0<!

又再轉下話題, 講番尋日

尋日朝頭早十一點就去左拜山
真係幾無謂架...行好長路上山, 上支香就走人
無聊無聊!!!
之後被逼同表姐一家, 表妹一家以及幾個超級超級疏遠既親戚飲茶
仲要係分兩圍囧
我梗係同熟好多既表姐, 同年表弟, 表妹, 我阿爸阿媽同細佬一圍啦
廢是係到呆坐
呆坐唔係問題, 而係11點幾先食完一大碟飯
1點幾又去飲茶?!?!?!?!?!
哩個主意係班超級超級疏遠既親戚稔出黎
完全唔會顧人地, 極品好人!!! 服!
飲完茶, 班冇腦既超級超級疏遠親戚終於走
得番我地班熟既近親係道
結果先去彩虹邨接我阿痳
之後入左屯門hea囧
班人仲打牌添, 我地班唔打牌既就食外賣
哼~~~!
9點幾就一大班人去大排檔
話說去到, d職員就向我地擁黎
搶客!
真係好驚佢地會大打出手= =
過左幾分鐘終於坐好食野
食完野已經差唔多11點
由屯門番屋企要9個字
我阿爸飛車變半個鐘番屋企(已經算快= =)
沖埋涼真係12點幾
整下d野就錦12點半先訓, 救命!

無聊既一日就錦冇左~!
最大問題係搞到我冇得溫書>0<!