尋日細佬生日, 比人強逼之下要同佢去睇asian beat
姐係band比賽啦-__-
不過我仍然要做我既老本行 = 搞手
永遠有任何野我都係做晒籌備果個\口/
結果我決定左去便所餐廳呵呵!!!

講真, 已經預左係唔會好食
不過估唔到咁貴囉囧
一個套餐已八九十蚊!!!
不過成間野就真係好廁所囉
d櫈係廁所, 枱係洗手盆
有d人會反胃食唔到, 好彩我冇事
話說雖然個餐係貴左d, 不過勝在沙律蛋糕雪糕任食
味道雖然係一般, 不過都預左喇
貪玩去下姐~ 都唔打算去多次~

之後個天竟然突然落雨!!
唔通連個天都唔鐘意我去廁所餐廳- -?
好彩餐廳對面就係地鐵站 (話說個比賽係西環, 我地係搭地鐵)
同行既仲有表姐加表弟各一!

去到之後我哩個搞手當然要帶路-__-
其實我都係搵地圖先識去x__x
本以為會遲到, 點知佢遲開左! 好彩好彩~!

第一隊出場, 已知情況不妙!!!!

阿爸竟然買左第二行, 而第一行係比staff的
所以我地係第二行觀眾
d hi-fi對正我地, 佢又爆rock爆大聲
我相信佢個比賽再耐少少我會失聰

成晚全部都超rock
話自己玩pop既得一隊, 不過都係超爆大聲
講真, 我完全唔enjoy囉囧
成晚得個嘈字, 全部原創曲都聽唔出個段落
又係道狂咆哮 (姐係巨聲個黑暗小公主果d, 最討厭
我本身已經唔鐘意rock, 睇完個比賽更加討厭
見係細佬生日先逼於無奈去
以後咪搞我!