哈哈, 終於黎寫qooza啦^^
已經好耐冇寫啦.....最近都好忙呀~唔好怪我啦^^

哩幾個星期學校都特別多野搞, 測驗多到數唔晒...
功課又多左...真係好忙~

tm果邊哩排又要同時做稿，同時準備2周年既野,
更要努力去搵贊助, 真係忙到踢晒腳

知道差好多人好多圖稿, 尤其係icon同背景圖之類
不過實在太忙, 抽唔到時間...我會盡快趕起佢架喇

話說好耐都冇新歌出啦...其實作起左既有一兩首
不過因為懶既關係, 冇去錄, 冇去編過......遲d或者有時間會去吧^~^

錢已存得差唔多, 係時侯搵日去買相機啦^^
期待擁有一部完全屬於自己既相機^^ yeah~!
唔洗再用電話影d低像素爛相   即係ban果d超多雜訊既相

尋晚訓訓下教, 發覺有d唔妥, 就去左廁所
點知入左去就即刻嘔-___-"  原因係咩我都唔知, 可能食得太飽掛~
結果今日全日個肚都搞搞下, 冇咩胃口~ 好彩下晝同夜晚好番d~

雖然依家只係11月中, 不過已經開始期待聖誕節既來臨
可能因為前兩年既聖誕都去左旅行, 唔係香港, 所以好似好耐都冇係香港過聖誕錦...
咁多個節日, 最鐘意就係聖誕同農曆新年
哩兩個應該係全年最有氣氛既節日了吧~ 而且更係冬天過, 我至愛^^
好期待聖誕氣氛, 聖誕樹, 聖誕歌, 聖誕裝飾,
聖誕, 快d到啦~!

當然仲有新曆新年啦^^
倒數新一年開始, 我好鐘意做架^^
可惜全部屋企人都對新年冇咩感覺- - 成日話我倒數無聊~
哼~~ 迎接新一年來臨, 點會無聊-3-

最近買左巨聲隻碟呀~ 雖然d歌係k左少少, 但都係好聽丫~
建議大家去買黎聽下^^

不過謝安琪隻國語碟就不值一買啦..d歌麻麻好聽~

星期四阿爸生日, 竟然話去食血鴨...
好耐冇食過血鴨啦...仲要去間未去過既高級餐廳, 期待^^

星期五仲要有台慶睇, 哩個星期太好啦^^

本來想放相架...不過太夜冇時間執, 唯有等下次啦^^
今晚big boys club有巨聲喔^^當然唔可以錯過啦^~^