我是魚,不過唔知活在那裏.
世界之大,五湖四海之深..我都唔知我適唔適應到...
老實講,黎到呢几日,
無學返,吉左係到,都几悶...
除左悶之外..呢到比我几另一個主調感覺,就係一次又一次几挫敗感..
一d我出世至今第一次感受到几挫敗感...
武大呢到果然無負全國十大高校之名,黎得呢到几個個都係頂班馬...
從第一次開班會几自我介紹,已經深深咁覺得自己比下去..
到呢几日經管學院几社團招新..
我面左三個社團......
最後好可能係三個都唔收...(二個入左覆試,但係都過唔到....)
今晚英文分班試..對住d題目係到發夢...未試過測驗測到咁....
還記得前之還誇下海口話第一樣野就係要入大學學生會....
只係估唔到,原來自己几水平根本比下去......
以前係濠江,只要自己肯比少少心機係一樣野到,
就算唔係最好戈個,都會係好戈批...
但係黎到呢到,首先感受到几就係呢種挫敗感...
宜家几心情真係有少少灰調...
一直對自己几自信有少少動搖.......
跟住我就係到諗,如果我宜家留係澳門,係咪會開心d呢..
起碼可以入到學生會,起碼唔洗重新適應過...
一切都會黎得容易啊....
其實到左宜家,有無少少後悔黎到呢到?
呢一刻有少少,但係宜家仲未可以咁快講定論.
因為..仲有四年啊!!
忽然諗起璐成日講几一個問題:
"到底做大池几小魚好,定係做小池几大魚好..."
亦諗起之前wa講過,
"有得簡做咩要咁辛苦.."
宜家無錯心情唔係咁好...但係我都會試下去習慣呢種感覺.;
呢d算係一種磨煉吧?
就算几辛苦,几難典,都係自己簡几路,
我已經無退路了,只可以繼續向前進.
起步比人慢,就要努力跟上別人!
決定左,雖然我宜家只係一條小魚,
咁我就只好選擇小魚過几生活.
一步一步咁養肥自己.
到第日就可以成為食人魚了.哈哈.
雖然以後仲會有更多几挫敗感,但係無論點都好,
至少我都見識過,都認識到自己係條几細的魚...
可能好辛苦...不過算啦,因為我無退路了.
我係魚.希望可以做一條大魚,
係大池几大魚!!!
|
