每個人都有自己几路,命運安排几路.

尋日返到黎澳門,到返今日先有時間約到大家出黎.

過程唔係好長,個几鐘咁上下.

不過,呢d時刻真係好值得感動同開心,

大家都好興奮咁分享自己几故事,

好多有共嗚几位,以為只有自己體會到几野發覺大家都有共嗚几時候,

戈份感動,一切都在心中....

呢d感覺不是朋友才能共同擁有,共同分享的嗎?

去左武漢几日,一直都覺得有一份寂寞,

直至到左今日,先發覺原來自己身邊仲有一班朋友,

大家共同感受自己几生活,大家可以好開心咁分享分擔自己几生活,

有呢個理由,就足夠支持我好好咁投入我以後几生活了.

聚散有時,大概又要一段時間先可以再見了,

比心機啦咁多位,有咩開心唔開心几都仲有大家可以分享分擔架!!!

之前係武漢,不時都會係到諗,

如果我無黎到武漢咁會唔會好d?如果我同我几朋友一齊去到同一間學校係唔係會開心d?

不過,經過今日之後,

我諗我唔會再諗呢d傻野了.

的確,呢到几飯好好食,呢到几床好舒服,呢到几人都無咩文化差異,呢到仲有好多朋友,仲有我几家人,

或者呢d野,會令我有一刻後悔選擇左武漢,

不過,宜家我明白到,

呢d野都唔係重點,亦唔係我可以比自己後悔几借口,

因為,呢條係我几路!!!

每個人都有自己几路,係命運?定係自己几選擇?

唔緊要啦,反正就係一條屬於自己几路,

大家都好努力咁投入自己几生活,行自己几路,

而我,雖然都係孤身上路,

不過,經過今日,我明白到,

之所以會感到寂寞,係因為覺得自己一無所有,

但事實上,我並沒有因為走上不同几路而變得一無所有,至少我几朋友,我几家人一直都無離開過我,

今日之後我唔會再感到孤寂,因為我仲有值得分享我生活几人,

大家只係走上自己几路罷了,但唔代表我地失去大家,

我地有交會几時候,戈一刻更因為大家不同几路,不同几故事,而變得更豐富更值得開心.

講得好煩啊,二句做結語好了:

我地都有自己几路,

但我相信大家並唔係孤獨一人的,

因為我地會有交會几一日!!!!

我地要努力豐富自己几故事,讓自己有更多几野同大家分享.

好好踏上自己几路吧!火柴人.