怪怪的題目.但想不到一個更貼切的.
黎左差唔多一個月啦.總算差唔多適應呢到几生活環境啦~
其實平心而論,武漢呢到都有好多野比澳門好.
1.呢到几氣候,雖然落差比較大,但都可以叫做四季分明啊,暫時我都覺得呢到几舒服~
2.呢到几環境,好多花花草草,空氣要比澳門好好多.D路又闊,行街都行得爽D.
3.因為我地學校裏面只有我地港澳生有冷氣,所以呢到少好多冷氣排出黎几廢氣,
有時可能會熱D(我地呢到有冷氣所以無呢個問題),但係因為少左D冷氣反而無澳門戈到咁悶熱.
4.其實武漢呢到除左個KAI飯堂之外,呢到D野食好多都好好味架.
戈D一串串几燒烤~有D辣辣地几周黑鴨~好濃味几豆漿~武昌魚~水煮魚~荷葉飯..........
仲有好多好多好正几野~~~~!!等我買左電單車之後一定找到更多正野!!!!!正!!!!!!
5.呢到D消費正價比真係好到不得了.
一元五隻水餃..八元一個叉雞飯..三元起標几的士..二百几元几機票...
只要係平時生活几野,同澳門生活水平真係差左一大截..
係呢到你會覺得自己好似發逹咁==
6.唔好似為呢到係一個落後几地方,其實落後几係澳門.
呢到几商場,同八百伴一樣高水平,好多國際品牌都可以找到,
格局同八百伴一樣,但係大八百伴二三倍.............真係估你唔到....
仲有戈几間電腦城..大到離譜~澳門几電腦城...太細啦.............
澳門係無可能有咁几規模架.仲意行街几呢到一定滿足到你.
7.普遍黎講,我覺得武漢几人都係几熱情的.
找不到路?隨便找一個路人都好樂意幫你.
D的士司機普遍態度都好好(當然唔排除有一部分KAI KAI地架啦.)你想了解武漢几,同D的士司機傾下計都OK.
不過呢到D人几數口都好精,識得落地起價(無計,做生意几人都係咁.)
8.打電話又好,上網又好.D消費都好抵.
一年任上才300~一個月包300個免費信息.60分鐘電話先15元....
正點.
9.生活係呢到,真係好自由.
唔會有人煩你,叫你訓教,叫你食飯,叫你幫手做呢樣做戈樣,.
自己安排自己几時間,D時間好洗好多,專注好多.
無論有心讀書定係有心黎玩都好爽.
我相信,仲有好多野武漢比到我,澳門比唔到我的.
其實客觀黎講,呢到好多野都好過澳門.
當然都有比唔上澳門几地方啦.
不過,暫時黎講,我几身份,都唔係屬於呢個地方.
因為,呢到未有好多令我難忘几人,難忘几地方,難忘几感覺.
所以,現在几我,還是一個澳門人吧.
不過,直覺講比我知.呢到會令我好難忘,
好几東西,比不上難忘几東西,不論是難忘的好還是難忘的差.
期待我難忘几武漢生活.無論好或差.
|
