8 月23日        今晚坐火車去大同

 訓到9點幾 . 呵呵. 好舒服.一覺到天光.

 今日點安排好呢 ?  夜晚要坐火車,所以我決定
 唔出去行個d什麼景點lu.

 上晝就係 百萬莊大街 個間 專賣 建築書籍的 書店
度逗留. 好多我地civil的書哦. 仲好平添. 北京d人
真係幸福啦. 有咁多書店可以逛.

下晝就係我地成日去的動物园附近行. 買咗好多我好鐘意
的飾物同T-Shirt . 唔講唔知,北京已經賣緊冬天衫 .

----------------------------------------------------------

有件事, 令我覺得好傻. 我係一間賣冷帽的鋪頭見到好多
好靚ge,好多款ge冷帽.  但是竟然完全想不起要買一頂返
香港送俾d就黎去英國的各位同學仔.

 都知道冷帽係 hK ge作用實在有限. 連埋d款都是得幾隻.
我都唔鐘意,我唔鐘意的東西我係唔會買黎送人.
加上都未到賣冬天衫ge時間 .

返去深圳都有去望下架,but情況同香港一樣.

-----------------------------------------------------------

成日都唔知食mug. 一條友. 今朝的早餐是m記. 中午冇食.
走去訓覺. 

晚上好好彩,俾我食到唔辣,味道亦都好正常的炒麵. 點解d 人
係咁望住我ge?  

一個女仔一個人食嘢好唔正常咩係北京? 攪到我莫名其妙.都係
唔好係出邊逗留咁耐啦.so食完就早早咁返旅館.得四點半jar!!

5點多d d ,阿su send message 過黎,返到深圳了,佢地已經.

好彩,有人同我傾計,唔使悶死. 

同小張聊啦,  一個同小張一樣都係由西安黎北京的小男孩.
佢開口就叫我'姐' .叫小張'哥' .叫得好自然,一點都不覺別扭.

應該同佢地當地的習慣有關吧.  我覺得佢好有禮貌. 又好玩wor.
哦,仲有佢個媽媽, 一把長長的頭髮. 係好好睇架. 有個巴西人一
直叫她'蒙娜麗莎'' . 我覺得個巴西人又形容得幾好wor.

講起個巴西人. 唔識講普通話. 淨係識得一句,見到女仔就
講架啦: ''我愛你''.  佢個門牙就同 朗拿度 一樣. 唔使形容了卦.

八點過d d,出發去火車站lu.雖然係11點ge火車. 但係我唔想太
夜出街.得一個人嘛. 走到樓下. 個個都祝我玩得開心d.

我冇mug 行李ga,平時出街個 紅色bag . 袋咗部DC, 一隻麵包,
銀包 就咁jar. 費事帶咁多啦,由得d 嘢擺旅館度.

再次要多謝兩位幫我買飛.

買咗兩份報紙, total 都袛不過$1 .

點過啊.漫長的一晚.