叮叮叮!又黎到天氣報告既時間啦!今日係2007 年 8 月 16 日  星期四   天氣係既

我地依加去一去日記內容~轉頭返黎再繼續天氣報告^^(其實係我想睇..嘩卡卡..)

今日ｃａｍｐ完返黎．．等我將依２日既過程講一次先．．因為係依２日發生佐好多事．．所以可能會好長．．我隔開一段段咁講．．

∼∼∼∼∼朝早∼∼∼∼∼

個日．．原來ｉｖａｎ帶個個女仔係女朋友黎．．靚女姐姐一個．．好難想像原來佢得１４歲．．我覺得佢似１６－１７歲囉．．依ｄ係唔係叫老佐！？可能當佢２０歲個陣睇落已經似２５歲．．

佢１４歲讀升ｆ４．．咁鬼快既．．唔通係佢個間學校既程度問題！？但係佢竟然話仲有人細過佢．．無奈．．

一去到就分營舍．．ｄ風景好靚嫁．．對住條河．．河中心有個長長地既綠洲．．

∼∼∼∼∼朝早∼∼∼∼∼

∼∼∼∼∼水戰∼∼∼∼∼

去到玩水戰．．搭羅馬炮台有ｄ人接水彈接得好勁．．有ｄ人射唔到過對面．．射佐上天．．之後自己中返．．笑死．．

我接唔到．．滑低佐一次．．好彩冇濕．．最後個野濕佐少少．．我最乾．．

∼∼∼∼∼水戰∼∼∼∼∼

∼∼∼∼∼開始黑夜行山∼∼∼∼∼

食完飯就去行山．．個陣６點幾嫁啦．．玩黑夜行山．．係馬路行行下有隻牛經過．．不過太黑睇唔到佢個樣．．係馬路竟然見到牛屎．．

之後聽到一ｄ好恐怖既聲．．嘻嘻嘻嘻咁聲．．突然之間就諗起一個人啦．．如果個陣個個人係度．．我實捉到佢實．．因為我其實好驚．．不過我唔敢大叫．．會糯同埋嚇到ｄ人．．原來係狗叫．．乜狗係咁既聲嫁咩！？

仲未上山個陣．．去到一個好似草原咁既地方（有石路）．．聽到牛叫．．個陣黑到咩都睇唔到．．幾驚隻牛就係我側邊呀．．我ｆｅｅｌ到我有少少震．．如果某個人係度．．我可能會捉佢實到有紅印．．之後再行就有人踩中牛屎．．

∼∼∼∼∼開始黑夜行山∼∼∼∼∼

∼∼∼∼∼上到山腰∼∼∼∼∼

上到山．．原來有人踢拖上．．踢拖個個女仔受佐傷．．因為佢太滑．．一野揸落棵樹個陣．．原來棵樹好多倒刺．．可能因為痛．．佢隻手一野奶佐落下面．．成條血痕．．

當我仲未知個女仔咩事個陣．．突然之間聽到牛叫．．我諗話．．可能隻牛上緊黎．．波ｓｉｒ行最後．．佢聽唔到我地講乜．．就問．．阿璇就超大聲就話．．有隻牛上緊山呀！．．波ｓｉｒ吓佐聲．．一講完就即刻行得．．

行行下．．竟然比我發現到側邊棵樹度有隻大蜘蛛．．我叫佐出黎（當然比較細聲）．．我唔敢再行．．

後面個個女仔好好人．．諗住幫我用樹枝整走隻蜘蛛．．點知隻蜘蛛一野跳落佢隻手到．．佢嚇到大叫加彈起．．佢真係好勇敢同埋好有領導風範．．

行到要自己一個人行個度．．因為我冇電筒．．所以可以同另一個女仔行．．行個到唔多講都知咩事．．急步行．．有時會大叫．．可能太快．．見到前面有人．．

∼∼∼∼∼上到山腰∼∼∼∼∼

∼∼∼∼∼落山返去∼∼∼∼∼

行到上山有益力多飲．．唔知點解特別甜．．落去個陣又係行得好快．．又撞到前面既人．．後面又追上黎．．６個人一齊行．．乜都唔驚囉．．個陣行石級．．行黎行去條馬路仲係好遠．．但係行行下突然之間又變得好近．．

返到去個陣原來未返得ｒｏｏｍ．．去佐聚聚會先．．一有燈就睇到我成身泥．．好想快ｄ去沖涼．．

∼∼∼∼∼落山返去∼∼∼∼∼

∼∼∼∼∼返到營舍∼∼∼∼∼

一返到去個個都沖涼．．我差唔多沖最後．．

沖完就玩ｕｎｏ同牌．．好多搞笑野．．得我帶零食咋．．算啦．．好彩醒目姐．．當然係一齊食啦．．

阿ｓ就猛等佢中意既人既電話．．等等下就忍唔住打比人啦．．我覺得個人係專登次次都遲ｃａｌｌ佢．．等佢掛多ｄ佢．．阿ｓ為佐佢個愛人．．傾爆哂成個月ｄ分鐘．．仲有半個月．．點頂呀．．

我地個個玩玩下都唔想玩．．所以返入房玩．．佢地睇漫畫．．阿璇就訓佐．．有個傾電話．．我就聽阿ｓ傾．．佢打比愛人係狂聽佢講笑話．．

聽聽下我地都聽埋一份．．佢講比我地聽一個類鬼故既笑話．．笑到我地死．．不過有人聽過．．

之後佢又講多一個．．不過淨係講比阿ｓ聽．．我地個個都走埋黎聽．．但係唔係好明佢講咩．．阿ｓ唔明．．我地都唔明．．當佢問阿ｓ明唔明個陣．．有個女仔搶先答佐唔明．．

大鍋ｌｕ．．個男仔就話．．佢明唔明關你咩事呀！？．．好串．．笑到我地死．．

∼∼∼∼∼返到營舍∼∼∼∼∼

∼∼∼∼∼今朝∼∼∼∼∼

今朝７點自動彈佐身．．食完早飯個陣．．我地冇走住．．坐佐係度傾計．．有隻蟻唔知點樣爬佐上我隻手度．．我嚇到一野拍佐佢落地．．唔知點解我冇大叫．．可能因為驚糯．．

之後去佐音樂聚會．．唱佐好多歌．．ｄ阿ｓｉｒ同ｍｉｓｓ都唱得幾好聽．．我錄佐一ｄ音同埋影佐一ｄ片．．

∼∼∼∼∼今朝∼∼∼∼∼

唔知有冇人覺得我一ｄ唔開心既事都冇講．．其實依個旅程我唔開心嫁．．不過只係寫ｄ開心既事．．我想喊．．好掛住佢呀．．我好想好似以前咁同佢一齊玩呀．．就算我地只係玩．．冇講野．．定係冇玩．．只係呆呆咁同對方講好悶呀．．冇野做呀．．之類既野．．我都會得好開心．．

唔知佢幾時先原諒我呢．．好想好似以前咁呀．．好掛住佢．．冇同佢講野咁耐真係好辛苦．．

噹噹噹噹！又返黎天氣報告~日記既播放時間係由[2007-08-16 08:36 PM] 至無限期除非比人關佐..

依加有 [ 訪客留言(0) ] [ 編輯日誌 ] [ 分享至FACEBOOK ]其他都係睇完冇野講既~　今日幾天氣報告完畢~多謝大家收睇~噹噹噹噹!ya~又一day啦~收工食雪糕~

叮叮叮!又黎到天氣報告既時間啦!今日係2007 年 8 月 13 日  星期一   天氣係既

我地依加去一去日記內容~轉頭返黎再繼續天氣報告^^(其實係我想睇..嘩卡卡..)

今日終於見到隻肥羊ｏｎｌｉｎｅ啦．．我梗係第一時間走埋去問佢做咩咁耐唔ｏｎｌｉｎｅ啦．．原來佢返佐大陸．．

隻肥羊重色輕友．．一見老婆就傾到失哂魂．．叫下佢又話耐冇見要傾多陣．．我同佢夠耐冇見啦．．又唔見佢話傾多陣．．係既．．始終都係老婆至上．．

又上佐官討聽歌．．條友把聲真係勁似張敬軒架．．如果唔講我仲以為聽緊張敬軒唱．．唔知點解我冇留意到佢有冇走音．．可能聽得太入神或者．．．．

今日打波個陣．．一開始狂肚痛（冇力個種）．．唔知點解就狂諗住某人．．越諗個心又開始隱隱作痛．．

之後打個陣．．我拍阿文．．阿文開波就連到１２個回合．．我開本身得３個．．之後唔知點解一變就變佐１０回合．．之後就一路都１－４個回合就死佐．．無奈ｉｎｇ．．

唔知係我勁佐呀．．定係阿文屎佐．．我竟然嬴到佢咁多場．．不敢相信自己了．．

今日終於送佐禮物比佢啦．．真係放下心頭大石ｌｕ．．如果有得ｄｅｌ．．我諗佢會ｄｅｌ佐或者唔收．．

不過我岩岩ｃｈｅｃｋ過．．原來冇得拒收．．我諗佢應該收佐啦．．因為如果唔係就會好煩．．日日一ｏｎｌｉｎｅ就會彈出黎煩你．．阿雪比我個份野我仲未收．．仲係唔理佢．．唔捨得收（講笑）．．

不過就算收佐．．我諗佢都唔會用嫁啦．．唔知點解我有依種ｆｅｅｌｉｎｇ．．

噹噹噹噹！又返黎天氣報告~日記既播放時間係由[2007-08-13 04:28 AM] 至無限期除非比人關佐..

依加有 [ 訪客留言(0) ] [ 編輯日誌 ] [ 分享至FACEBOOK ]其他都係睇完冇野講既~　今日幾天氣報告完畢~多謝大家收睇~噹噹噹噹!ya~又一day啦~收工食雪糕~

叮叮叮!又黎到天氣報告既時間啦!今日係2007 年 8 月 11 日  星期六   天氣係既

我地依加去一去日記內容~轉頭返黎再繼續天氣報告^^(其實係我想睇..嘩卡卡..)

噹噹噹噹！又返黎天氣報告~日記既播放時間係由[2007-08-11 10:00 PM] 至無限期除非比人關佐..

依加有其他都係睇完冇野講既~　今日幾天氣報告完畢~多謝大家收睇~噹噹噹噹!ya~又一day啦~收工食雪糕~

叮叮叮!又黎到天氣報告既時間啦!今日係2007 年 8 月 11 日  星期六   天氣係既

我地依加去一去日記內容~轉頭返黎再繼續天氣報告^^(其實係我想睇..嘩卡卡..)

噹噹噹噹！又返黎天氣報告~日記既播放時間係由[2007-08-11 01:43 AM] 至無限期除非比人關佐..

依加有其他都係睇完冇野講既~　今日幾天氣報告完畢~多謝大家收睇~噹噹噹噹!ya~又一day啦~收工食雪糕~

叮叮叮!又黎到天氣報告既時間啦!今日係2007 年 8 月 8 日  星期三   天氣係既

我地依加去一去日記內容~轉頭返黎再繼續天氣報告^^(其實係我想睇..嘩卡卡..)

噹噹噹噹！又返黎天氣報告~日記既播放時間係由[2007-08-08 09:18 PM] 至無限期除非比人關佐..

依加有其他都係睇完冇野講既~　今日幾天氣報告完畢~多謝大家收睇~噹噹噹噹!ya~又一day啦~收工食雪糕~