呢排有好多人搵返我 大概係太耐冇見 有咁多好友搵返我的確開心
相對的 我失去哂所有我應得的私人時間 

當然每次相約的時間唔耐 但重複又重複 當我接見a的時侯 b又打黎
絕對唔係話 呼吸同時心跳咁簡單 

打個比喻 就好似你同朋友打緊機 同時又食緊野既時侯
係手同口同眼都使用緊的時侯 有個第三者打電話or sms黎
第一個反應會覺得好煩 之後就好想掟爆個電話
個電話係自己既當然唔會丟

即係d人 同佢講左打緊機唔得閒 佢都可以係咁隔幾分鐘打黎
唔聽 佢send sms
唔回 佢留言 仲要msn震我

d人好似覺得 我勁到可以單手打無雙 單手食飯 仲可以用腳回sms
仲要唔睇mon識打中文果隻 

我真係覺得好無奈 唔好話私人時間 就連我想簡簡單單同朋友打場機都唔得
講真難得人地放假都肯陪我 我唔想做到每次有人約我之後 都要熄哂電話好似去睇戲咁
我覺得好無謂囉

比返d空間大家 我都唔希望半夜sms轟炸人
要迫到我咁做的時侯 大概已經唔再係朋友