支持左阿記第六個年頭 當初因為阿記打住漂亮足球旗號而支持
雖然前三季成績唔好 但仍舊漂亮
舊年最接近冠軍 亦打出三年內最好睇一季足球（大半季喇）

今年呢？
上半季有Big 4內最易踢賽程 卻接二連三輸俾升班馬、中下游
結果如今連第四都不保
漂亮？
每次阿記失分我都覺得對手踢得更漂亮更有效率
對維拉、曼城 對方都踢出有效率的的防反
對Stoke City 對方使將自已撒手間擊敗阿記
阿記自已呢？
最近幾場有幾多入球係用小組配合射入？
如果唔用配合入球 咁阿記所謂既漂亮足球到底係咩？
漫無目的既短傳之後傳球失誤被打反擊？
抑或後防on9失誤？定係中場真空被射入世界波？
以往阿記的漂亮足球 唔單止有小組配合入球
仲有快速反擊 細膩組織 中場入攝 死球角球亦有一手
球員有個人技術 有身位 最緊要有鬥志 落後緊真係唔擔心追唔番
攻勢上行雲流水 賞心悅目
今季 以上所講既野全部搵唔番 一兩場或者有
但發揮唔穩定 又欠缺鬥志 心理質素差到爆
一落後班友就亂黎 後防又不隱 結果越心急輸得越多
對陣Hull City, AV, Mancity, Porto就係咁輸
海鮮波絕對適合形容今季阿記的表現

人腳已經越黎越少 中場又重新洗牌
成績唔好唔係必然
雲加絕對要為此負責
我深信雲加買人眼光
但係排陣用人？no way
雲加派陣就好似先set 一套formation
之後好似fill in the blanks 一樣填人入去
個別球員被佢搞到冇晒特性 eboue係其中一個
雲加用人唔係跟球員特性 而係叫球員跟佢個formation去踢
即係改造球員去符合陣容
我唔係反對依種做法 但用係現今班所謂正選身上唔work囉

講番eboue 可能佢被雲加覺得強攻守弱 所以推上前一格
結果係點？ 上季Sagna傷左冇合適替補 要T5踢 結果歐聯4強止步
今季見過Denilson, Song, Djourou踢過RB 效果強差人意 最後先到eboue
可惜無耐又傷左 出番黎俾雲加老點去踢左翼
踢到可以俾球迷噓 當然佢真係踢得唔好 但雲加 你需唔需要負責？

另一例子 Bendtner
憑身形 身高 腳下技術（差） 點睇Bendtner都係屬於高空轟炸機
偏偏雲加要求佢做二傳 拉邊 駁腳
搞到明明有身材但一撞就散 腳下功夫粗糙兼控唔到波
成隊波又不屑放高波 咁Bendtner仲有咩用？

仲有一位legend Denilson
中場任何位置都踢過 冇個踢得好 但下場唔傷仍然有正選
神奇
冇身位 冇速度 冇技術 冇特點 亦睇唔出有戰意 但有正選
死未
如果係因為原本正選傷左出唔到而出佢 我冇野好講
因為雲加用緊佢fill in the blanks
但係我睇到既係雲加唔肯承認自已既投資失敗 所以先焗住出
阿記常規正選中大部份都係05年購入 包括Denilson
但除左A25 有邊個今日真正值得有正選？當年的年輕球員今日冇一個成材
就算Walcott都只係一個明日之星 今日？仲未係囉

3年來新舊交替 失敗！
3年來球員收購 失敗！
3年來四大皆空 衝冠失敗！
3年過去了 連漂亮足球的打法亦係今年慢慢消失 打法。。失敗！

雲加係帶俾我地好多野 但已成過去
如今成績唔好 歸根究底都係雲加一手造成
唔買當打球員 買人又只買幼齒 造成惡性循環
迫走上一代球員 講明30+一年一簽但又簽2年俾Gallas
on9排陣+臨場指揮 用人不當+用人唯親
睇住今季阿記表現 我無辦法再每周浪費時間睇一場根本唔漂亮既足球比賽
唔係話唔再支持阿記 而係唔再用行動支持球隊 唔睇直播
因為上半季球隊表現我睇唔出比賽有任何連續可觀性
你永遠唔知道下星期佢地會踢成點 雖然出場陣容一樣
唯一預測到可能係輸波後雲加一貫的言論藉口
我唔認為雲加可以再俾到D咩阿仙奴 即使下年成績好左
佢為球會付出已經夠多 係時候退位讓賢 陪多D屋企人
講落好冇良心 但要記住
我愛既係阿仙奴 唔係雲加
為左阿仙奴 雲加 請你走吧