中島幸村中尉開始向佢大家報告響貴州既五日之行
第一日
著住一件好省港奇兵既衫, 傻傻下企響沙田火「居」站等人
我去到得番我 小二、三、四大哥 小儀
好少人咁樣, 同埋我開始有一個感覺: 媽啊? 我好似受騙喎
冇幾柰 入團既人夠數 就去深圳機場進發
兩個鍾頭、又兩個鍾頭.....好辛苦
搭飛機夠支力啦~ 坐車成三個鍾頭支力啦...又暈車
救命啦~ 不過, 中途同阿基、美麗等老死傾下計
都好彩唔好咁悶.... 最後. 到左酒店可以休息一下 結束第一日既行程
第二日
第二日我可以用好肯定話比你聽: 簡直係後現代唯美主義黑色幽默人體藝術真人秀--二萬五千里長征
真係真係估唔到係咁辛苦
一開始話行山既...我諗:行山姐~ 冇問題既!我香港日日都行架啦~得既
點知唔係....路程係我想像中既十倍~
條路又多蚊、又窄啦、又斜、又危險, 而且又曬喎
分分鍾唔留意都趺左落山都唔知
行左三個鍾頭,到左個小學~
我地教左佢地既Ｄ英文
雖然我地教左好多次、 佢地都係唔識
不過佢地又好開心, 睇著佢地咁樣...我都好開心
教左佢地之後, 我就同阿包, 阿基, ＢＩＬＬＹ踢波
高地踢波真係未試過喎....感覺係成個身輕左!好爽
果孩鄉村「花令」打波好强....我都幾鐘意果佢地玩
之後就教左佢地踢波
佢地學得好快... 我走果時都佢地抱下~ 我地既城市人冇佢地既天真, 我都鍾意佢地
之後, 我地又要攀山涉水..行左幾個鍾頭
中途, 行行下家惠無啦啦好似趺趺下
好彩我磅一磅佢, 最後都安全完成行程~我都安心Ｄ
不過, 我真係好不滿
啦...第一Ｄ山路咁危機, 係要一Ｄ好有行山經驗既人先可以行
ＭＩＳＳ 潘~ 你話變數
我唔覺得ＬＡＷ...點解你之前又唔一早去睇下、視測條路!! 你真係無賴 賴得就賴:你不如改名叫菜白賴啊
第二 又話唔洗飲酒 依加呢? 飲完又飲(謎之語: ＦＸＸＫ!! ) 人地楊ＳＩＲ飲左禁多
你起碼都幫下手又或者阻止佢被人灌泥飲啊
你唔係....反而係起哄...鼓吹佢地灌阿ＳＩＲ飲
不知所謂!!根本就唔係老師所為~ 隨機應變? 我怕未隨機都死左啦
你冇资格去做老師....
之後, 好爆笑~
我沖完涼。之後上去天培果間房講下果壇野
真係愈講愈火, 愈講就愈想訓
同班果仁打Ｕ佬~ 諗諗下....真係好似ＰＲＥＦＥＣＴ ＣＡＭＰ
忽然, 殺出一個程咬金
打打下Ｕ佬, 美麗訓緊覺 突然間佢講:我要扯被啊
ＣＯＯＬ~!經典中既經典
呢句野真係强過巴士阿叔....爆笑ＸＤ
冇柰大家都訓左~ 我訓唔著
美麗就係我格離... 我就係角落頭自閉~
一張床成四五個、真係好似六角大封相
見一班人都訓左
我就安安靜靜咁坐到天光!!
第三日
到左第三日,我已經唔記得左我去邊
但係我好記得係夜晚
去左貴州其中一個城市
睇睇下又唔係我想象之中咁窮
果道既建築同馬鞍山既高樓大廈一模一樣
冇幾柰我地同貴州學校係一個茶樓做學術交流
當中我同其個一個細路幾好傾
佢好ＳＭＡＲＴ 有文好路
我對佢有好好既印象
原本大家傾下世界盃果Ｄ野
之後大家講講下變左打機、周杰倫啊等等
佢都同我一樣~ 係ＫＯＥＩ既ＦＡＮＳ:三國志
大家就走果陣時 都交換左地址 ＭＳＮ咁
夜晚都係睇波:德國對意大利
德國苦戰左１２０幾分鐘
竟然輸左 響最後既兩三分鐘先失波
ＳＯ ＰＯＯＲ!! 最慘係奇哥 其實德國今屆而來係最有霸氣、勁同有力捧杯既一屆
雖然輸左 但係德國已經打好好 佢地已經有所交待
|
