今朝9:30起身~同我細佬同明仔一齊落左街食早餐!

點知食食下時先醒起唔記得左睇"香港迪士尼樂園Viva! Club Disney" ><... 激死~!!!

咁食完早餐~買埋媽咪份早餐之後,返到屋企都11點啦~

咁我就再訓過啦~一訓就訓到3點先起身~ = =

就係依一覺~令我發左個超恐怖o既夢.......直頭恐怖片咁架!!

咁個夢分兩段~第一段都唔恐怖,係第二段先好好好好恐怖!!

咁個夢一開始就話係要同個親戚睇新屋,叫比D意見,睇下好唔好買食間屋~咁間屋都幾荒山野嶺下~咁之後就一大班人入去啦~咁呢~間屋就全間都係木做,好大間,得一層,咁就連入面d傢俱,床都係木~咁大家就好興高采烈行入去啦~咁就有大人細路,一大班,係好多好多.........入到去之後,d細路好快就走哂入d房到玩啦~d大人就一堆堆咁企係到傾計,咁我就是但走左入一間房,咁果間房d細路就圍住個窗睇風景啦,咁我就睇下間房d擺設啦~咁間房就有一個衣櫃,咁我就好自然地打開左,點知..........比我見到d好恐怖o既野,但係個夢到係無畫面影過我見到咩咁恐怖,總之就淨係知果樣野係好恐怖啦!!咁我就好想同d大人講叫佢地唔好買,但佢地又好開心咁又話要買,要係到bbq~咁我就無講到出黎~咁之後我就開始想走出依間屋啦!點知......我走極都走唔出依間屋,不斷走極都係見到果d房,見到d大人係到傾計~總之走極都只係見到依d.....

咁第一段就完左啦~跟住第二段先恐怖...........

咁個畫面就轉左返屋企啦~咁入面一開始就係講話我老豆唔見左,走左去唔知邊到~咁屋企就得返我啦,媽咪啦,細佬啦同呀妹,我地就坐哂係到唔知做咩啦~突然呢,我就鬼上身,係咁剪自己d頭髮,咁我呀媽隻手係攞住個叮噹公仔,咁突然隻鬼就走左去個叮噹到.之後就好快拉左我呀媽出屋,咁我就即刻跟埋出去啦~之後我就見到個公仔要推我呀媽落街(咁我屋企係26樓)咁跌落去實死啦~所以我就好驚,好想去捉住我呀媽,但捉唔到,只係掂到少少,咁呀媽就跌左落去~咁我就係咁喊啦><咁個畫面呢又突然之間轉左去一間廢屋到,間屋真係得四面石牆,咁全間屋就得一隻窗,係係好高~咁我呀媽又唔知係邊到彈返出黎,同我同細佬同唔知邊個係依間石屋到打麻雀~咁打打下就有個頭係隻窗到掉入黎,血淋淋,咁我地全部都好驚,當然就停左唔打麻雀,想走啦~點知又有條繩係隻窗到放入黎~原來係條吊頸o既繩,即係要我地死啦~咁我地當然唔肯啦~突然,唔知點解見到余文樂(哈哈~= =")佢同個女仔一齊出現,個女仔係死左...之後,余文樂就同我講話你地打麻雀係唔可以停,一停就要死,咁因為我地停左,所以就要死...咁最尾我同媽咪細佬就真係死哂,咁我地就做左鬼啦~就係間石屋入面~但係就仲未完架,之後不斷仲有人黎打麻雀,d人不斷打打下就停,咁佢地就比我地殺死啦~但係唔係吊頸死呀~係要我地將d人掉落部牆到~掉死佢地~血肉糢糊~好核特,但最恐怖係果d比我殺死o既人同後來不斷黎打麻雀o既人都係我自己黎架      ~ 完~