一朝早起身,以為要返學,就拉拉聲著衫著鞋...

打算出門口果時,有個親戚打黎,我話要返學,佢話"你間學校連星期六都要返呀??''

low爆的我...唯有話"呵...我頭先講笑咋ma~大家咁熟...無所謂la~"

好彩全家都未起身,如果唔係,實被人笑足成個禮拜...唉...

懶到出汁既我,唯有又去訓,12點幾,起身....同石頭講早晨,

之後我同佢由12點幾開始噴口水(傾計)到1點幾...

我去食飯...食完飯就開始發夢...

人地話"失去"好可怕,我話"擁有"先最可怕...

就係有"擁有"果段回憶,所以d人先唔想去"失去"

果段回憶有幾開心,"失去"果時就有幾痛...

無擁有,就無失去,無去珍惜,就唔會痛

但係每一個人都有佢想去保護既嘢....唔想失去

我都有...但係失去既時候,可以保護既只有自己,安慰自己...

失去無法避免,只好將傷害減低...

可以幫到自己既就只有自己,同d fd講,佢地都愛莫能助...

反而仲煩到佢地,何必呢??

愛既嘢越多,就越容易失去...

俾人既麻煩越少,自己都會安靜d...

可能我每日都傷害咗d人,失去咗d嘢...

但係...其實我唔想嫁...我都好想好開心咁過每一日...

不過,我去爭取番黎既,遲早都會再次失去...

到時未仲傷??笑,起碼保護到自己,可能仲保護到其他人...

咁又何樂而不為??