其實心入面好多好多野好想同你講

但係呢d野都已經失去左佢既意義

所以,我慳返了

我未識你之前,好貪靚

連去扔垃圾都要換衫

一定要著高跟鞋

仲記唔記得我地一齊到都係因為高跟鞋

未識你之前

拍拖真係有幾求其得幾求其

真係"來者不拒,去者不留"

男既女既,基本上,同我告白既,都一齊左

至於有幾兒戲就唔講啦

所以我一直話你係我初戀

因為係你,所以我愛上了

你無時無刻都吸引到我

笑啦...撒嬌啦...嬲啦...玩野果時

都令我笑...係心入面

我覺得你係一個好可愛既男仔

我好少用"靚仔"黎形容人

或者你唔知..

我最愛最愛果個,..

係最初既你

t恤長過我條裙

頭髮遮左半塊面

永遠黑褲白鞋

留住一條長長的髮尾

仲好搞笑錦彎左個半圓

好可愛

後來好多野都變左質

3年,或者最相愛既係半同居果時

好開心好開心

我地仍然係果2個人

只不過情景不再了

就好似枯萎左既花一樣

仍然係果支花,不過佢已經無辦法再盛開一樣

你都有送過我花..

係藍玫瑰

係我仲未欣賞完之前

佢已經枯萎左

無心理準備,再唔捨得都要扔

唔係就會臭

呢份無奈,無辦法平息,只可以去接受

起碼我擁有過我地最美好既時光

呢一世

無人可以代替你

係心入面,我會留最特別既位置俾你

但係,對唔住,我不能再愛你了