今日我去左歡樂谷到玩呀!

我同大表姐、細表姐一齊去玩呀!係朝頭早既7:45a.m.起左身la...

之後,娟娟[表姐個朋友]喳車載我地去到南頭果度,佢睇一睇我張身份証...

成功了!之後我地行左一陣,坐301既巴士去到世界之窗,因為歡樂谷都係係世界之窗附近姐,

之後我地見到果個賣入場票既人,佢係男人黎架!不過冇所謂啦!入到場玩就ok啦!

之後表姐比左$250比佢啦!跟住我地就開始我地既行程啦!!>w<"

我第一個玩既game就係UFO啦!好好玩呀!初初我以為佢後面冇安全帶嚇死,

好彩,坐好哂之後,佢後面有個野可以整到好穩,之後玩完,因為都好多人呀,

所以就等玩其他game囉!好多game都係12:00-1:00先開始開個機動遊戲,所以我地去左行行囉!

點知見到一個唔係好多人既,之後唔排都排左咯,跟住咪玩玩囉!點知係碰碰車,^^"哈哈!

同班細路係度撞黎撞去,有個細路成日撞我,搞到撞果陣,個patpat好痛...=.=,

之後玩完,去左玩小型跳樓機,嘩!果個真係嚇到我叫阿媽,雖然佢係16米,但係我都好驚呀!

我個樣比表姐映左,我好似比人打咁,=.="佢樣好苦,大佬...我點知佢幾時上,幾時落架?

玩啦!一上到去我即刻尖叫,佢好快咁落返黎,我即刻頂唔住,叫左"阿媽"!!因為我真係好驚,

我後面...姐係個背脊有d好空既感覺,隻腳又漂,嘩!我真係心驚膽跳呀!!

玩完之後,我就去返玩龍捲風,我睇就冇咩野,但係玩落就有野,佢玩玩下,成個坐位返轉左...

好驚,又好暈,小d心血都唔玩得呀!=.="之後我地就玩風火輪啦!~果部重轉得勁d!又高d!

之後玩完哂...就去左"颱風灣"啦!我地先玩激流勇進,呢個我覺得好好玩!!因為係玩水架!!

我地買左3套雨衣,都唔係好貴...$3一套law...果d係一次性既,所以便d囉!

之後等左一陣,我地着好哂d雨衣同埋對鞋套,出發lu!!去玩啦!!><"開頭都唔驚,

只係得沖落去果下先驚同埋好玩!!話咁快我就沖落去,表姐話會映到相,

不過睇番佢遮住左我,=v="好玩呀!不過我條褲就濕濕地law...沖落去果下,真係好正!

好似有幾層樓咁高,之後我地去玩另一個game,就係完美風暴,呢個就刺激過剛剛果個,

因為佢係空中轉呀轉咁,唔係轉得好快,但係係上面個feel好好law!沖返落去果陣,

佢會噴d水,不過唔會整濕你既!玩下你,吊下你條"引"姐...hehe^︼^"玩完之後,

去左食d野,肚餓呀嘛!食飽之後,休息一陣,去返"金礦鎮"玩果個唔刺激既金礦漂流,

唔太好玩,但係坐埋同一隻船,有一個細路仔既阿爸為左哄他的兒子玩得盟心d,刺激d,

就扮驚,好搞笑,佢阿爸話"快d落船呀!媽媽呀!好驚呀!... ..."當然有時噴水都幾好玩!^^"

玩玩下,又落雨,好似小左d人,之後我地就去睇下邊度小人d,繼續玩,有d重復左既唔講啦!

我地玩玩下又到返完美風暴,因為呢個game係6:30p.m.就入場啦嘛!~我地玩完一次之後,

佢問我地重有咩想願望要講,不妨說說,我們當然話玩多一次啦!佢真係比呀!!好好人呀!!

佢話比我地玩一個360度既...好刺激!!>v<"之後就玩其他game lu... ...

有d類似過山車既...我冇呀!唔係唔敢,係因為落雨,佢話有一架車壞左,得番兩架... ...

而且上面重有好多人,所以唔比我地玩,叫佢比多3個都唔得...算了...諗住玩多一次沖水落黎果個...

佢又唔比...又話6:30唔比玩bo...!咁咪算law!之後一直玩咁...玩到夜晚8:30果陣,

去番玩發現者,呢個之前冇玩過,個工作人員好衰,聽到人地好大聲咁叫...佢就加快... ...

愈來愈高,之後有d怕怕...最後玩埋龍捲風就走..咦!!早知唔玩好過玩啦!!點解?!

因為果個game冇咩人玩,之後個人整到好大力,又好快,倒吊個頭,好辛苦呀!~

之後玩完,好暈,好想嘔,之後搭的士返左去姨媽屋企,中途我又暈又頂唔住d氣油味,

我就嘔喇...=.="之後返到去,食左小小野,飲左d湯就冇事lu!~><"

跟住好累,洗頭...訓教...zzz^^"收筆!