| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2008 年 1 月 19 日 星期六  |
你當我什麼?  |
今日星期六...我七點鐘就起0左身!!因為要趕住出去元朗辦理身分證...其實我已經都唔算早起身喇!!因為阿哥同佢0既朋友係零晨0既3點鐘就開始排到天光喇!!哇~咁早...係迷唔信呢??不過我真係冇講大話,我阿哥重話有0的人重比佢早來添!!(因為多人趕住辦好證件番大陸過年)哇~你話堅唔堅??總而言之...一句說話...''大佬''...麻煩晒喇!!
大佬幫我攞到2號籌...我好開心呀!!因為入到去唔洗等叫名我就可以直接入去另一個0既辦公室去辦理證件喇!!我一坐低...我就好乖女咁係到填form,填完之後...個工作人員就叫我去印手指模...但係點知呢個時候就出事喇!!因為連接手指模機的電線出現問題,個工作人員又唔識整wo~於是佢就重重覆覆咁將條電線插完又插,將部電腦開完又開...整下整下就已經過0左半個鐘喇!!
之後,另一個0既工作人員就來幫手,嘗試轉換另一部0既手指模機...yeah~終於有畫面喇!!之後我再印過手指模啦...但係一場歡喜一場空,因為仍然感應唔到...不過係呢段時間入面其實我唔靜止得一次掃過手指模,而係...我足足印0左成10幾次喇!!但係都唔得,而且係嘗試0既過程期間,工作人員係咁話我隻手凍,又話我隻手多手汗,又話我唔對住個箭咀放,又話我唔放係中間,又話我放得太靠邊...哇...係呢個時候我心諗...''你當我什麼''??...我前世係迷得罪你呀??你宜家係到報服我??唉~我真係x10個0既唔開心呀,而且我真係好嬲!!不過雖然嬲,但我仍然細膽...我無法出聲替自己出氣...
後來第二個0既工作人員幫我整...點知一take過就ok喇!!
p.s其實係今次0既經歷入面,我覺得能夠反映出一個工作社會0既縮影,從中我亦得到反思...假如我係一個工作環境裏面,我循規蹈矩又沒有犯錯之下,但卻遇到老闆0既心情唔好而又攞我來出氣0既話,當時我又會點算呢??唔通我又好似宜家咁怕怕羞羞,無力反抗咁欣然接受??定係我會大膽講出彼此之間0既相處問題??唔...我心入面已經有0左自己想要0既答案...我要勇氣膽量...宜家就要為我自己作好準備,因為我唔想再逃避任何事情喇!!
|
| 刊登時間：2008-01-20 01:21 AM [ 訪客留言(1) ] [ 編輯日誌 ] [ 分享至FACEBOOK ] |
| 2008 年 1 月 17 日 星期四 |
想說就說  |
2008年...大個女...喇!!唉~時間真的過得很快...不經不覺我已經18歲...喇...
這也代表未來的前景將要接受更大的挑戰...
我的人生旅程現在才正式開始...期待能相遇不同的人和事....
將不同的心情攜集在一起...一同面對讓人害怕的現實...
喜,怒,哀,樂...要說的話...總有聆聽的...你願意與我分享嗎?? |
| 刊登時間：2008-01-19 11:57 PM [ 訪客留言(1) ] [ 編輯日誌 ] [ 分享至FACEBOOK ] |
| 2007 年 12 月 27 日 星期四 |
| 重獲自由 |
我終於自由喇!!今日真係超爆開心,因為比我死趕爛趕之下終於都比我完成0左7份嘔心瀝血0既作品...唉~真係辛苦!!
由12月25日趕到最後衝刺0既12月27日,哇~係呢三日裏面我都趕到夜晚0既3點幾,係製作過程入面真係要我叫苦連天...真係想大聲叫救命呀!!所以我係聖誕節期間都冇同朋友出街慶祝,就係呢7份作品中渡過...唔...今年0既聖誕節真係最悶,最冇氣氛,最冇溫度,最寂寞0既一年呀!!(因為媽打番0左大陸陪花打過節)...�嶂�...
可能有人會問點解要迫到自己咁辛苦又要做到咁夜??唉~因為如果唔係12月28日前做晒,收Visual Art0既同學仔就要係12月29日同12月31日都要番到學校裏面同大家一齊做,一齊完成作品,而且重要由10:00am至2:00pm呀!! 就係咁...我為0左唔想番學校,唔想冇0左一0的自己0既自由時間,又加上想快0的完成7份作品,就可以係假期入面或甚至之後0既時間日子裏面都可以冇任何顧慮,冇任何煩擾0既情況下盡情溫書,所以我選擇0左先苦後甜,快快完成作品...我宜家就一身鬆啦!!
哈哈~雖然作品完成0左...但原來係呢段期間我又不知不覺間病0左...而且我0既黑眼圈又深0左兩層,大0左兩圈呀!! ...唔知海洋公園0既工作人員幾時來捉我番去同安安,佳佳,樂樂同瑩瑩一齊見面呢?? ...哇卡卡...�嶂�...
**呢份就係7份作品之中最麻煩0既一份,因為又要剪,又要貼,又要游顏色...真係做到我想死...不過好采重有幾位同學0既落力幫手...唔~有家瑜,秀如,曾柳同馬姐...唉~因為有佢0地,我先可以係預期0既時間入面做完''遊樂場''0既呢份作品!!~所以小妹真係感激不盡喇!! |
| 刊登時間：2007-12-31 12:22 PM [ 訪客留言(1) ] [ 編輯日誌 ] [ 分享至FACEBOOK ] |
« | 10 | 11 | 12 | 13 | 14 | 15 | 16 | 17 | 18 | 19 | ... | 26 | »
|
