今日放0左學之後，我地幾個(羅苑、鄧潔、肥野...)即刻飛去搭的，趕去天館睇女甲0既籃球比賽...哇...師姐真係師姐，打起波來真係有氣有勢，就唔似得我地咁死氣沉沉!!場0既氣氛亦都好好，一班天循0既fans都睇得好投入，因為大家都對佢地有所期望...所以無論打0既同睇0既，心情都係興奮又緊張...而佢地都冇令大家失望，一馬當先帶住個節奏感、氣勢...由頭打到落尾~真係好激烈呀!!因為，佢地無論比人撞都好，成team人都係好團結，好放，唔驚咁打落去...我覺得呢樣0既精神我地係要學0既!!同埋隊員之間都好需要默契....呢次0既場面都可以話令我地大開眼界，學識好多0野!!!

下一埸，女甲就要打四強喇...希望佢地可以堅持到最尾啦!!加油...加油...

今日場波終於打完喇!!!但係個結果就...都係怪大家容易放鬆自己，而錯失0左可以嬴0既機會啦!!心情雖然覺得有0的無奈，不過永遠都係輸0既一方感受得最多，所以就當再吸收多一次0既經驗啦!!同埋大家都比上一場打得好0左，落力0左...阿sir鬧0既機會亦都少0左~其實咁都算ok嫁喇!!最起碼完場0既時候，大家都係笑住去面對...可能大家都比變態0既3分波嚇親啦，今日佢真係唔知食0左0的咩藥，突然咪咪上身，有兩球3分波0既進帳...呢0的迷叫做隱藏實力囉...真係失機無神嚇你一驚呀!!

算啦~個比賽都已經過0左喇...我地都係繼續練波，打好佢...係下次0既比賽入面再努力過吧啦!!加油...哈哈....

今日由於發0左個美夢，而遲0左番學校練波...見到所有人都盡時番齊晒，真係覺得自己唔好意思!!不過都唔怪得我嫁~最衰都係周公纏住我唔放啦，同埋咁岩發夢發到自己係中文統測入面可以瀝到高分...一時興奮投入得制，所以就遲0左起身囉!!哈哈...現實世界唔可以實現到0既0野，可以係夢境入面嘗試一下都唔錯鴉...嘻嘻...其實係我自己冇嘜時間觀念同太過懶0者，以上0既藉口都係用來安慰自己~但係幸運0既係0好采阿SIR唔知同冇留意到，唔係我地就麻煩喇!!

練完波之後，我就同羅苑去0左M記食0左一個...我一年都唔會食0既套餐，署條、可樂、漢堡包...一次過食晒，好味~好味...食到勁飽呀!!但係羅苑個胃就真係唔知咩胃來嫁~食極都唔覺飽，食量真係驚人，可能佢個肚生蟲啦!!哈哈...講笑...食得是福係好嫁!!

食完lunch，為0左0的脂肪唔好積聚係身體，避免日後會變大肥婆0既關係，我地就去0左散步~順便去埋library搵資料做project喇!!我地係迷好乖呢??