長假期開始了,而今次既長假期唔知道幾時先會完結,
每日起身,就係食飯,打機,訓教,起身再食飯,沖涼,睇電視,訓教
每一日重覆又重覆既Schedule...
每日睇新聞,武漢肺炎疫情越黎越嚴重,香港每日既確診人數不停上升,
除咗落街買糧食,真係邊度都唔敢去,
有啲朋友覺得我好誇張,洗唔洗驚成咁,
其實因為上年年頭中左流感,個種感覺真係好辛苦,
所以我同自己講,唔可以再俾自己中招,要好好保重身體.

記得2019年準備完結果陣,我希望2020年會有一個好既開始
2019年對我黎講係一個充實既一年,亦都係突破自己既一年,
因為黎緊更加多機會衝出亞洲,去探索更加多既地方,
但係..估唔到踏入2020年,就發生左一件影響全球既大事
旅遊業更加係首當其衝,進入冰封期...
而呢段時間我發現自己,其實真係好鐘意做領隊,亦都好想繼續帶團....
每一日睇返以前影既相,都好掛住工作既日子...
希望呢個疫情快啲完結,各行各業都可以盡快恢復起來...

最後祝各位身體健康.