琴日係除夕,2點幾同傻佬去左荃灣睇戲,
睇借東西的小矮人亞莉亞蒂,比我想像中悶好多,
全程我都唔知自己打左幾多個喊路,
睇完差唔多5點,就同傻仔搭車入深井,佢話要番屋企拎番d野,
我就係7仔等佢,完來佢拎禮物俾我,多謝傻佬,
傻佬帶埋babie出黎,好鬼死得意,跟住我地就帶佢周圍行,
行到去狗公園,babie勁興奮..跟住坐左陣,就帶佢番屋企.
跟住搭車出荃灣打邊爐,去左南豐上面果間咩...皇唔知咩..
好多野食,都ok既,但百幾蚊一位==
食完已經10點幾,就搭mtr出尖沙咀..
尖沙咀真係逼到咩咁..行行下點知封左路,
就係咁,就停左係半島酒店後面..
到左倒數都唔知,完全無人嗌,直到煙花匯演開始,先知完來倒數完,
真係俾浩勤講中左,倒數都無人知囉..
跟住個煙花匯演十分鐘都無就完..跟住好無奈咁走左..
真係寧願好似上年咁睇住個電視倒數..好過係到逼..
我地行出去佐敦果邊,先有車搭..
傻佬就同浩勤佢地幾個落荃灣,我就等車番青衣,
等41A等到火到黎埋,等左1個鐘都無車..
唯有搭N271,好釆經長安喳..
搞到2:30先番到屋企,3:30爬上床訓教..累到PK...



今日1月1號,有3個鐘唔係屋企,14個鐘用黎訓教,
另外6個鐘食早餐,lunch,dinner,玩電腦,傾電話,夠唔夠充實xd?
但後日就要告別呢d生活/_\ 見到d hw真係唔想做..