琴日同華dee出左去行街..
2點幾果陣佢黎左青衣搵我,跟住搭地鐵去左銅鑼灣行街.
搭地鐵果陣勁好笑,咁岩又好逼.
跟住華DEE同我講:"屌,前面個呀嬸好臭呀"..佢D表情勁爆..
我即刻勁大聲咁哈哈哈笑左出黎..
到左銅鑼灣,跟住周圍行,買左個銀色俾我媽,因為佢生日..
買完之後,就去左sogo..逼到hihi..
去左地下果層.好多野食,即刻買番D野入貨,果隻龍蝦豆勁好味呀!!!!
買完5點幾,就搭地鐵去左尖沙咀..
搵到果間水車屋..係出面睇下果份menu,勁貴囉..
有d一塊扒要成千幾蚊...
跟住我地傾左陣,都係去第二間食野..
我地又唔係好熟尖沙咀果頭,是但咁周圍行下..
經過美麗華見到米奇呀,即刻衝過去影相..
跟住我地從尖沙咀行左出去佐敦.
跟住竟然俾我地搵到松屋,不過本身我地都諗住食松屋..
d野食黎到好慢,今次食到岩岩好飽,唔會好似之前食到太飽...
d泡菜雞翼勁勁勁勁勁好味..宜家諗起都好想食..其他野食都唔錯:)
食完我地2丁友又無無聊聊行去尖沙咀
我地扮大陸哩自由行去睇幻彩詠香江..睇完就去搵車站,
行行下有個大陸哩走黎問路,佢問我彌敦道係邊..
我心諗彌敦道咁大,點知邊個位,跟住佢講酒店名..仲要講英文..
聽到未聽過==,跟住我叫左佢落下邊個新世界中心睇路牌,應該有寫
跟住俾華dee話我老點人..我無囉==
跟住搵到個巴士站,就搭車番左屋企....


btw..今日媽咪生日..Happy birthdaay.