终於都10月啦,秋天來了^3^
琴晚去左蝴蝶灣bbq,有我,肥呈,小婷,浩皓,盧敏,蚊豬,小茹,華dee,肥董,肥龍,鉅,
gag gag,桐,銘然,春麵,樂,yming
4點幾傻佬黎左青衣搵我,再一齊搭車落荃灣,坐到總站落,再行過去搵佢地,
跟住佢地上車先,我同華dee等埋小婷,再搭車過去.
去到都差唔到5點幾,買埋野食果d就行過去搵爐,
真係搵到火都黎埋.我地分晒頭搵,又係咁問d人幾點燒完.
點知個個爐d人都話已經有人等緊,
最火就係問左其中一個爐既人,佢話有人等,留左電話,
但如果果個人無打番黎,個爐就係我地..咁我地咪等囉..
點知果個人就黎燒完果陣,果3個條撚樣黎左,正仆街.
等左勁耐囉..唉.最後搵到8點先至搵到爐..
佢地個個都仲記得我上年燒燶腸仔件事囉,話我鐘情於腸仔囉.個個都咁好記性既..
跟住燒我最愛既芝士腸,正呀!!!!
傻佬燒左雞翼俾我食,我又燒番d野俾佢食,
食完之後,係到影相,小茹部相機好正囉,一笑即拍.
我地是但一個忍唔到笑就影左..個個都未ready好:)
跟住鉅話,你地"暗"住個咀先啦xd
影完之後同肥呈,蚊豬,肥董,肥龍,鉅落沙灘玩..
夜晚落沙灘玩真係好正囉,肥龍同鉅係到偷蚊豬對鞋..xd
玩左陣就番左上去,又係到影相
見到肥龍佢地玩,邊個輸左就要擺晒2隻手落勁大箱冰到..
見到佢地玩得咁開心,就join埋佢地,玩玩下變左有8個人玩..
gag gag係咁輸囉,笑死..果2箱冰真係冷到出煙..佢地個個擺左幾秒已經係咁嗌..
其實果2箱冰真係好dirty,有丸,有雞翼,我地仲要叫人擺到最底果到xd
玩玩下格離果個爐,跟住幾個男仔拎d冰掉落d爐到囉,笑死..
跟住佢地又拎d冰,塞落人地件3到,本身諗住好釆無人整我..
點知傻佬整d冰落我條頸到,跟住我就開始同佢係到打交xd
跟住執埋rubbish,差唔到11點,就同傻佬,小婷,桐一齊搭車走..
一路出番去果陣,一路同傻佬係到玩..
跟住搭車落荃灣.再搭車番青衣.好釆趕到尾班車.
跟住傻佬送我番到屋企樓下,差唔到12點就番到屋企..
其實我屋企出邊條走廊一到深夜就好恐怖:(


其實琴晚堅係玩得好開心:)