黎到7月最後既一日,聽日就8月,姐係仲有1個月就要番學..
唔想番,好唔想番...
今日同虹仔去動漫節,佢黎我屋企樓下等我,跟住行去青衣城..
但今日等左佢勁耐,無啦啦有個鬼佬行過黎問我番唔番教會==
仲要朝早9:00囉,痴線..咁早我無可能起到身/_\
跟住我地買埋動漫d飛;..就搭MTR去灣仔..
行到勁遠..未行到會展已經出勁多汗..
到左之後,就陪虹仔睇海賊王D野,佢勁快買到野..
之後一直係到行,見到小飛俠D貼紙,同埋有本簿,好得意,又平,所以忍唔住買左.
跟住我見到有米奇米妮d野,即刻衝埋去..
買左2個米妮既電話繩,,仲有個幾大隻既米妮公仔.
行到4點幾,實左忍唔住太累..決定閃人.
行到勁遠先搵到Mtr站..行都唔緊要,仲要上勁長既樓梯sosad.
行到一半好想跪係到,因為隻腳又累又痛...
勁辛苦先行到去mtr站,點知又係無位坐..唉..
番到青衣城,虹仔話想食kfc..
我...我忍唔住啦.食左飯同薯容,一隻雞脾..
我望住虹仔d野食真係呆左,,佢真係超勁..
4舊雞囉,,仲要又薯格又葡撻..我真係好羡慕你食極都唔肥.
但係你都唔洗食到咁多野掛......==
食完野之後係到睇今日買番黎既野..
虹仔見到我又扣d米奇係個電話到..
佢忍唔住問我:你扣咁多野係個電話到唔重ga..
整完野就去左三聯睇書,買左本書..叫"愛情來了,花兒開了"
好好睇..但成80幾蚊一本..../_\
行左陣就番左屋企了...


H0NEY今日入camp..無佢同我傾計..
見唔到佢上msn,好唔慣/_\