#382.

唔知今朝早做咩,我訓到連鬧鐘響都聽唔到..
要我呀婆拍醒我我先醒..完全唔知做乜事-.-
今朝一粥麵無晒位呀..咁唯有同傻佬去食M記..
排排下隊無啦啦有個男人走黎問我可唔可以幫佢換公仔
話咩唔想買餐..佢俾左12蚊我..我呆一呆左..
最後都係算啦,幫左佢換,又唔係D咩...
唉,其實我想換麥當勞叔叔..但係換晒啦...T^T
行去搭車果陣,我又同傻佬唱你那麼愛他:)
中文` 玩電話..我發覺呢排中文堂都係專心唔到.
成日都係係到玩電話..
英文` 同盧敏傾計,傾傾下太累.訓左教..
訓到勁舒服..仲要發埋個勁正既夢:)
係呢d咁冷既天氣訓教真係正..特別易訓得著.
但係訓訓下盧敏拍醒左我..無啦啦俾人屌囉無奈...
地理` 測驗,是但寫d野落去...日q日都測驗...
英文` 聽陣書..講係呢3年英文要考d咩..好鬼死煩
唉,突然覺得我既前路一片白茫茫..
係..我當初係好堅決咁話一定要讀到F.6,幾辛苦都要撐住..
但係真係好難呀..我怕我有日真係忍唔住,喊住話要放棄...
Lunch` with小婷,盧敏,肥呈,蚊豬去街市新開果間粥舖食...
食左碗豬紅豬潤粥,夠晒補血;0)  佢地話我今日食得超慢
因為碗粥真係勁熱...同埋本身我食粥係食得好慢..
次次早餐食粥都會遲到就係咁解..之後有個人勁好,
送左碟油炸鬼比我地食..haha..食完野之後口痕..一齊買左白糖糕食..
好狼狽..盧敏拎白糖糕,我又幫佢拎住把遮..
我拎住2把遮..又勁大風wo..hoiman Lo小姐掛住食白糖糕又唔理我.t^t
中文` 玩電話too..唉,好悶的中文堂..
音樂` 睇歌聲魅影..之後就唱歌,唱爭氣.唔係好識唱其實:)
放學` 周圍hea左陣,我在尋找你:p
之後到左4點2,先上2樓番個補習班..
呀Sir不見了??轉左個Miss教,救命..班男仔係咁玩個Miss..
係咁話Miss係佢女神..
今日同傻佬坐..我係咁用筆吉佢,我係咪好變態==?
之後佢用螢光筆畫我隻腳囉...-.-
一放學,勁多男仔企係課室出面望個Miss囉..
之後就同肥呈,小婷落梨木..咁岩見到小pan:) 
同小婷係街市食左小小野.之後就搭小巴番左屋企


*好冷呀..得13度喳宜家:'(
very very cold~