大年初三 祝大家新年快樂恭喜發財龍馬精神身體健康心想事成青春常駐 (利是逗來) 

本來諗住琴日打馬年第一篇blog 點知頭暈落唔到床,唔知係咪年初一果日玩得太high
好彩今日清醒好多(雖然仲有少少暈) 

其實年初七要考一個對我黎講係呢世人最重要既試 本來打算全日留係屋企溫書
點知跟左我表姐表哥,姨甥仔女上深圳玩
(我認我係衰貪玩,但反正屋企咁多人黎拜年,嘈住晒都溫唔到架啦係咪? )

好耐都去過深圳啦 應該有7年
過左海關後就搭一個站既地鐵 好快就到表嫂屋企

睇春晚見到李敏鎬bb 嗚啊真係好靚仔呀
 
坐左一陣,表嫂問我地上唔上天台睇下有機蔬菜 
咁見坐係到都無野做 於是就上左去


表嫂媽咪種既有機菜 (我地既晚餐)

睇左一陣 實在太猛太陽 頂唔順走返落去睇電視

到左差唔多七點 開飯啦!!!
正宗既川菜 加多隻軟殻蟹 超好味!!


食完飯大概八點到,我地聽到樓下啪啪聲 已經好多人開始放煙花爆竹
我地都急不及待即刻走落去買黎玩
其實我係第一次玩呢d 所以我係極興奮!!!!!






玩完之後返上屋企坐左陣 執埋野就返左黎香港啦
癲左成日好累 所以沖完涼都即刻達落床訓

今年新年真係好難忘
有幸試到正宗既川菜 玩d從來都未玩過既野
但開心係要付出代價 就係唔記得晒前幾日溫過既書
所以呢 我宜家就要開始補救啦。

完