#355.

好野,終於都星期五啦,一個辛苦既星期又過左去
下個星期都好輕鬆.因為星期一,二陸運會..星期三唔洗番
星期4番得果一日,星期五又復活節祟拜,之後就放假啦,正:)
今朝同傻佬食早餐...食完搭小巴番去
傻佬今日挨到我個膊頭好辛苦好累..==
今朝集隊企勁耐,講陸運會D野,不過我唔介意..
如果佢係講埋D無聊野/讀英文,我就勁介意!
上到課室屎忽都無坐暖又走左過去e班上通識...
通識`成堂都係聽書,除左開頭訓左陣教之外..
Miss勁好人..請我地食cookies...
英文` 今堂俾人調左去另一邊既訓教區..勁無奈囉..
不過我成堂都係係到玩電話..
英文` 今堂Miss話改newspaper cutting..^v^
但係我無野改..就係到發夢...
旅遊` 睇戲,唔知咩名,但勁刺激,睇到我個口自己"ma"開左我都唔知..
之後食Miss Lo俾我地食既cookies,食左咖啡味果隻,勁好味:)
放左照樣係3樓等盧敏,唉,遙遠的附近,明明咁近距離,但係就好似好遠咁.
Lunch` with小婷,盧敏,肥呈,浩皓去酒樓食,
我照樣係食烏冬,佢地係咁叫我食青椒..但我試左一啖,就吐左出黎
好奇怪,我就係好抗拒青椒,覺得好苦好難食..
中文` 都唔知呢排Miss搞咩,成日都黑口黑面..佢一入黎勁大陣火藥味..
又唔肯教書,係咁俾工作紙我地做,
佢今日簡直就係破晒記錄...講左2句野,就係..
"係右上角寫你地個名"同埋"傳份野出黎"..無啦..真係呆晒
今日全班都好靜,無人敢出聲,就算講都係做口形..
完左之後去左hall,咩佈道會..我同蚊豬話耶青佈道會..
果首因著信真係好好聽...勁中意聽,自己都忍唔住係到唱...
唱完一日就訓教,哈,我又訓著左...:)
4點就放左學..之後同小婷就搭車番屋企啦..
今日我又行海傍條路番屋企..好正:)
番到去5點幾,之後盧敏打黎話佢到左青衣,我就叫佢上黎我屋企坐陣
我呀婆督爆我話我成日係到一路玩電腦,一路食零食:'(
之後我地就落左去青衣間m記搵小婷,肥呈,浩皓..
浩皓話我今日著到好街坊look..唉,是但啦,落樓下喳ma..
之後打俾傻佬傾左陣電話..過左陣如欣,呀嘉都黎左..
跟住就行左過去運動場..我,小婷,肥呈無跑,係到傾計,望住佢地跑..
盧敏跑到勁好笑囉,哈哈:)
跑到8點咁樣,就番左去屋企啦,再唔番就俾人xyz我==
其實我一開門入屋,我媽就坐係近門口果張大枱到,
一路食飯,一路怒啤我,十分恐怖==


*****
好令仔,真係好令仔呀..哈哈:)
阮民安,tommy:)