#327.

宜家既時間係下就2點11..我頭先2點半先起身..
如果唔係我老豆叫我起身食米線..我諗我訓到3點幾4點先醒.
我老豆都忍唔住話我係咪痴線.訓到2點幾,
因為平時朝早10點幾我就會起身玩電腦= =
呢個假期好快就會完啦..但過得幾開心.

* * * *

*講番琴日先,同老公,盧敏,小婷,肥呈,栗子,呀國去大尾督燒野食.
搭緊巴士落荃灣果陣,小婷打黎問我係邊..我話搭緊巴士
佢話佢地到齊晒,我心諗,下..咁快= =
之後係寶石果到衝去荃豐樓下個巴士站.
落到去..屌,一個人都無.之後打俾佢地,佢地先行緊過黎..
之後見到老公..果時又好口渴..叫老公陪我去買野飲,
買完之後行番去,時間岩岩好.再等埋盧敏.就搭73x入大埔..
一上到車.屌.倒瀉乳酪,搞到成個袋濕晒..唔該晒肥呈一齊幫我抹..
成個袋勁大陣d乳酪味..唉..
之後係廣褔道落車.搭75k入大尾督..
搵極都搵唔到八達通..我張八達通不見了t^t..好撚黑仔
入到去之後去左租單車踩...
開頭同盧敏,老公踩家庭式單車..之後我地係咁係到交換踩..
同老公踩2個人果d單車..踩踩下都無咩野,
之後佢越踩越快.客撚到hihi..但又好撚刺激wo..但撞到我隻腳損晒囉..
踩完單車之後.栗子黎左.就搭車去到唔知咩站..我唔記得左
去左bbq,果陣又落雨..真係勁凍..又開始天黑..勁有番大陸果種feel..
呢種天氣bbq..真係好正:)食左好多野..勁飽..
食到9:00..就同老公,肥呈搭車走左...