09/12/25  day2.


係酒店食自助餐...我覺得d野其實都幾少..
食完之後就去左2個地方,我唔記得左叫咩名啦..

之後出番去吉隆坡...
去左一個地方,果到好多水果買..
我買左2大舊波羅就咁食
馬來西亞d波羅好甜..唔似hk果d咁酸..

之後去左食Lunch.勁大個麵包雞...

食完野就去左黑風洞..
勁大個神像..條樓梯有成二百幾級..
我好想行上去囉其實..但係咁岩又到左最麻煩果幾日..個肚好鬼死痛..

之後我地就搭車去左雲頂..之後要搭纜車上到最頂.
搭緊纜車果陣,望落去勁驚,因為我有畏高..
仲要望落去全部都係樹,真係勁驚

上到去,真係凍到hihi..
諗住望下d風景..其實都無咩野望
周圍都係雲..白濛濛一片-_-
之後佢地去左賭場,但好快就出番黎..
去左搵間野坐低,係到hea囉唔該
之後到7點落番去..
係我見過既日落入面..雲頂既日落係最令最令...
仲有佢d雲海....真係令到唔知點形容好
之後去左半山果到食飯..
食完我媽果d去買生果...企係到等佢..
之後無啦啦有個人走黎請我食栗子,
我又開唔到..之後果個人幫我"meet"殼囉..
果到d人好Nice好熱情...
買完之後番酒店訓教...