26-12-07

今日係屋企發奮做功課，聽日就要返補習喇!!琴日係Christmas呀，我同媽咪去食buffet，係呀姨個間教堂請架，食食下野就抽獎，首先每人揀一個門徒，媽咪揀左約翰，我揀左彼得。只會抽三個門徒，成個場有40圍，即係每張台只會抽三個人，首先第一份禮物係一本書"快樂1+1"，第二係惠康現金卷50蚊，第三係惠康現金卷100蛟。第一個抽出既門徒係約翰，個個作者係呢個教堂既人，所以可以得到佢親筆簽名。第二抽出既門徒係彼得，所以可以得到惠康現金卷50蚊。第三抽出既門徒係馬提亞，所以可以得到惠康現金卷100蛟。全部人都可以得到金莎三粒呀!!!哈哈~食完野就同媽咪去左又一城，行左一陣街，就去左M記度度野，食完野就去左shopping，買左marker，HI.TEC.C 同潤唇膏，之後行多一陣就返屋企。