今朝7點姑娘就叫我起身準備啦, 個一刻真係幾緊張架~! 就真係好似拍戲個d人望住天花板一排排燈走過~

過程都唔太驚...神真係與我常在呀~我想起耶穌在客西馬尼園的禱告, 第二日佢就面對死亡, 那種恐懼真係大個我的心情10000倍呀!

所以我都同耶穌講, 我都一定得!

麻醉個part最令我難忘! 好痛但好快無哂野! 下一下張開眼, 手術就完左啦, 我記得我第一條問題係: 幾多點(用手語) 姑娘好似話係9:10am, 之後個人都好暈....到12:30pm先清醒=)

表現唔錯!! 都幾啖定=)

依家傷口未好返的, 有時吞口水會痛痛地~

攪笑係陳醫生入黎見我, 我不知不覺講左: 陳醫生, 你好!

shuuuuuuuuuuuuuuuu~ 都話唔好講野囉!

我要好好提醒自己!!!

明天出院了, 仁安真係好舒服(多謝保險)! 有少少唔捨得!!