今日悶到爆炸呀!!!!!

勁無聊lo

今日媽咪去左黃大仙

(同李生)

我就一定唔去啦

咁大煙,除非我唔去唔得啦

留係屋企發悶~~~~~

佢地成十二點幾先返

去左2 個鐘咁啦

我就係屋企播cd聽

無聊呀!!!!!!!!!!!!!!

大家有咩做呢??

我擒日知道左一樣野

令我好驚訝

話說我地一家人食緊飯

唔知電視講左d咩

我阿媽就話

媽:阿哥之前都係咁

   你阿哥又係次次食飯都食好奈

    成間屋都行完,佢都仲未食晒

話說果間屋,都有好多層,好似別墅喎

我:哈哈,咁我果陣係咪食得好快呀??

媽:梗係唔係啦,咪一樣咁慢

爸:你想知咪問下你阿姨

我:點解呀??

媽:果陣我走左黎香港打工

   你果陣又未夠歲,咪留低你比阿姨湊囉

爸:係呀,成日都係你阿姨喂你食飯架

果陣開始我就想喊啦

突然間我好感動

我阿媽又爆左一句:所以你阿姨咪咁庝你囉

媽咪講呢句果陣好認真

由細到大阿姨都好錫我

成日買衫比我,對我又好

好過我阿媽對我囉

果陣我真係超想喊

就連我而家打緊blog

都邊喊邊打

好感動呀

睇你地都唔明架啦

反正我明就得啦

多謝你呀,阿姨

你對我太好了

原來係你睇住我大

自細都係我 阿姨同奶奶

仲有公公同我最好

而家淨番阿姨啦

我唔明點解天總係將d好既人搶走

點解我奶奶同公公咁早死呢??

反而我阿婆而家仲係度顯世呢??

之前小學一,三年級度參加過葬禮

當時咩都唔識,都唔知做咩既

到今日睇番晒自己同奶奶公公

影既相,真係好想喊

唔使想,我而家都喊得好利害

無論睇過幾多次

我一睇到自己出席葬禮果張相

我就喊得好勁,簡直收唔到聲

我記得我經常坐在公公的大腿上

之後他就會哄我訓

但係我對奶奶就無咩記憶

我冇親眼見過公公同奶奶既最後一面

自兩歲半落左黎香港

就從來都冇再見過公公同奶奶啦

而家諗番起得兩個字:傷心

如果有下一世,我想佢地再做我既親人

T^T 喊左超奈呀,好掛住公公奶奶呀

好想即刻見到阿姨添!!