今日返左學校學琴,學左咁奈,我終於彈好左

果首'鳳陽花鼓'開頭好難,但係後面我居然背曬

都係比miss搞到我都識曬,

哈哈,後面彈左一次就搞掂,

而家彈'剪羊毛'(個名好似怪怪地咁喎)

師姐都話難呀,對我黎講,咪超難,唉

由12:00到2:00(好似好長,但係我覺得一陣就過左)

miss比我地休息,我地未食lunch既人(我同caroline)

就梗係出去食啦,miss比5分鐘我地,

但係我地去左15分鐘啦,miss話我地

食咁多野都唔肥(哈哈,梗係啦)

放左之後,我約左waiwai行街,

我地係元朗行左一陣,買左一份野比

佢,我同waiwai一齊比(湊錢)

我地買左一隻杯比佢(五十幾蚊呀)

原本佢話唔要杯,但係諗唔到買咩,

就是但買左隻杯比佢啦,

唔知陳艷珊幾時先買我地果份禮物呢??

好期待呀!!!記住買埋比waiwai呀

佢都有出錢嘛!!

之後我地返黎東港城

我又買左一份禮物比waiwai

作係佢既生日禮物,之後佢走左

我自己又買多左樣野比waiwai

因為佢叫我買果樣野,可以話太便宜

而且我覺得佢好似睇住我荷包黎買,

所以買多左一樣野比佢!!要多謝我呀!!

今日好開心呀,而家又覺得學琴

都幾好玩既,miss仲話

"你唔使驚我鬧既,你睇下今次

彈一次就得啦,自己心裡面都要

數拍子,我唔同你打拍子,你就唔識

今次彈得唔錯呀!!唔使驚架"

佢話唔驚就唔驚咩,佢一鬧人就唔係人咁品

我就梗係驚啦!!今日係學琴以黎,最開心一日呀!!

^^