我今日晨雞咁早（六點）就起身lu，

因為我要去參加關愛先锋去探訪獨居老人。。。。。。

淨係個簡介會都講左成粒鐘，真係訓著ar~

我被分配同細孖一齊去探訪，

開頭見到d長者都唔知講咩好，不過後黎就好d la，

可能太耐冇同老人家相處，有d生疏！！！

一日既時間好似好耐，但係我地好快就探訪完lu，

而今日既感想係......

見到d公公婆婆，好自然就諗起嫲嫲。

見到d公公婆婆，d仔女都唔可以成日係自己身邊，

冇人可以陪自己，好寂寞！！

見到d公公婆婆，到左７、８十歲身邊都仲有個伴，互相扶持，

好羨慕！！

見到d公公婆婆，我發覺我忽然自我反醒，

究竟我平時係點樣對待我既爸爸媽媽lei？？

同埋將來又應該點對佢地lei？？

我諗我宜家或者將來都要對佢地好好，至少唔會揼低佢地唔理~~