深夜乘地鐵，看見一對男女在「談情說愛」。
兩人年紀相若，十四、五歲吧，男的女的樣貌都不差。他們旁若無人。
「因為你唔鍾意我，所以我偏要鍾意你。」男孩仰起臉說。
「即係話等到我鍾意你，你就唔鍾意我啦？」女孩同樣一臉輕浮。
男孩聳聳肩，「唔知，可能。」
「咁即係叫我永遠唔好鍾意你啦。」
「係呀，千祈唔好愛上我，會好痛苦。」
「點解？」
「我花心，我唔可以淨係愛一個女人。」
女孩怒了，「咁你快死開啦，x街！」
「你屋企呀？要避我，你咪自己行開，不過我會繼續追住你。」
「張××，你究竟想點呀？」
「追你。」
女孩沉默半晌，「OK！張××，其實我好鍾意你，鍾意你鍾意到死，咁得啦?!你走得啦！」
「講呀？我唔信喎。」
「咁你到底想點呀？」
「咀我，既然你咁鍾意我。」
出乎意料，女孩真的迎上前吻上男孩的唇，「咁你走得啦。」
「唔走喎，你以為我唔認真，我偏要認真。譚××，我愛你。」
最傲慢的示愛方式，我算是見識了。