10/12 {港島一日遊}就去左玩啦~係大角咀度集合‥之後搭旅遊車，第一個目的地係香港動植物公園~之前都去過幾次啦‥不過算

啦~地點人地定既，況且香港好多地方都去過~講番正題先，去到~就去左廁所= =''之後過左好耐，表弟,兩個堂家姐同伯娘黎左~

之後‥我跟表弟佢地{因為表弟好可愛(三歲)，而且好耐未見過表弟，可以同佢玩~好開心>V<} 我唔跟呀爸佢地，之後我地兵分兩

路~我唔知佢地做咩啦，我估佢地去睇動物掛~我同堂家姐就同表弟係度玩啦~我同佢玩得好開心啦~多數都係我睇住佢~同佢玩左

一個鐘，我都倦~之後，就上車去西環食午飯啦‥途中，個導遊(叫RAINBOW)同我地玩左個遊戲，叫我地拎張銀紙出黎WOR，跟

住佢話將個六個數字加埋，如果唔過15(15都唔計)就有獎~無聊之下，米拎張銀紙出黎睇下，我張加埋等於9，符合條件啦~就舉

手，話佢知啦‥跟住佢過黎，見到我張銀紙，見到數值加埋甘少，得9~佢最細個張都好似十幾。佢話想同我交換，問我可唔可以?

跟住我話可以，既然佢想要既話~就同左佢交換~我心想銀紙都係拎黎使嫁啦‥去到目的地，食完飯，就走啦~跟住去赤柱，話好

似有帆船睇，今日係最後一日，唔知邊個國家黎啦~去到個度~跟住呀爸佢地去左天后廟，我唯有好無奈係出面等佢啦~同堂家姐佢

地失散左~跟住呀爸話去觀音寺~赤柱甘浪漫，去觀音寺?!幻滅晒啦，無癮嫁MA‥跟住我自已係赤柱行下，{個時仲未同堂家姐佢

地一齊}我行行下係度唸如果黃昏係度睇日落，一定好浪漫~!跟住我行下行下，見到伯娘~我問美心(其中一個堂家姐)佢地係邊?

跟住最終見到佢地啦~又同表弟玩‥跟住最後一站，去太古，咩水族館WOR‥又係同堂家姐一齊~睇下魚甘‥我其中一個堂家姐

話米好似花園街{港島版}我都認同=]除左賣魚‥都賣好多野~有好多扭蛋機，行下行下，我見到林以諾牧師個餅碟{唔男唔女}勁

好笑呀XDD好想睇多次~跟住見到{DEATH NOTE 磁石書籤}$10，身為{DEATHNOTE FANS}梗係買左啦~我堂家姐比我更加

鐘意，所以佢都買左~佢有第13集{珍藏版}‥跟住我又唔跟呀爸佢地番屋企~同堂家姐佢地一齊，送表弟番屋企{上環個度}順便

可以見表妹~可惜表妹訓著左~但都可以望一望佢~佢得一歲JA....{穎琛‥個名都幾好聽^^''}我終於知到表弟個英文名，叫

MATTHEW~好得意呀佢~玩得好開心>V<成日都同表弟一齊玩~有排都唔見LU~