2005 年 4 月 14 日  星期四   今日又冇溫書，都係自閉左係屋企．．．我o既青春就係咁樣浪費@@"??我都唔知自己呢排做乜鬼野咁鬼多感解,可能人老左掛~ 今日同阿Nui吹水,又諗起一句野,就係"人,一定會係某一D事裡面,用藉口去掩飾",為o既咪又係保護自己,所以呢個世界上,好多人都係愛自己,究竟又有幾多人做到好似耶穌咁?嗱~我並唔係信徒,只不過舉下例子......講番轉頭ar,點解有咁o既睇法?因為我自己都係呢一種人,身邊o既人有時都會係咁。講開又講,我記得有一次一個人搭車番學果陣,我突然諗到一樣野,到目前為止,我都好認同－－呢個世界上,冇可能有一個完全相同o既人,佢地就算經歷一件完全一樣o既事,最終o既結果係一定唔同ga,因為佢地o既價值觀,性格,諗野都唔同...原因...我諗係細細個果陣,成長環境各有不同掛~ 有時我唔明,點解有時候,D人要爭住話自己諗野成熟,識得心思熟慮,話人諗野幼稚,其實我想問點為之諗野幼稚,點為之成熟??我只係知道每個人諗野未必同自己一樣,唔係路咁...慢慢就可能形成"你諗野唔成熟",我好想問點為之"成熟 今日阿Nui同我講我係得ga,叫我憚心機讀書。唔係我自己睇死自己,只不過我知到咩叫"天外有天,人上有人"......我唔係天才(人o既藉口...),我身邊o既人都覺得我得,我得d咩?我自己都唔知好迷茫,我好想有人指點我,究竟凡係一個咩人,我有咩得...我又可以做d乜野去迎接我o既將來?我成日就係咁困死自己係裡面,冇左動力。點解咁多人冇明確o既目標,都可以活得快樂。我明知自己唔可以再咁樣,我都冇行動?   刊登時間︰2005-06-01 08:05 PM    [ 訪客留言(0) ] [ 編輯日誌 ] [ 分享至FACEBOOK ]