原來對上一篇日記已經係2017年
時間真係過得飛快 原來係目前公司已就職1年再多
實在係快樂不知時日過

每日朝九半晚六係所有設計師都夢寐以求
唔知係邊到修泥嘅福份比我係呢度都逗咗成年糧

人各有志 有人會覺得無前境 無未來而離開咗目前公司
但我都係求一份無乜壓力 準時放工嘅工作
呢到真係一個非常好嘅Confont Zone

唔知咁樣嘅公司可以支撐幾耐呢
接住又要再出去槍林彈雨嘅戰場拼搏
其實真係好唔想食設計飯
腦細胞死得快 白頭髮都生得快幾倍

中學時期曾經幻想過自己有好多無限可能性
我一直覺得之所以成日發咁多夢 一定係我太多幻想
但無諗過時間原來轉眼就過 其實真係試過嘅野唔多
就講下去外國住 又或者去唔同嘅地方體驗
去旅行 都真係絕無僅有得幾次

我想同年邁嘅家人去多幾個地方旅行 想比佢地嘆 見識下
只怪我無用 又無咁多本錢帶佢地去太多地方

再者之後 年輕想同好朋友去多幾個地方喪玩
但時間真係好難好難夾 覺得呢啲機會都愈來愈少

原來轉眼間到咗適婚年齡
好快到父母親當時結婚嘅年紀 好多矛盾同逃避咗嘅問題
隨住時間 都即將要接受同面對

無得可以再好似小朋友咁幻想多多
無得唔想理就唔理 扮睇唔到
年紀愈漸增長 計算到可以做嘅事都愈來愈少

講到呢度 唔想諗野嚕
比我做多幾年無腳兼無腦雀仔啦

(飛走)