今日上文學堂時瞓著咗~~
當我瞓醒既時候隻手勁"臂"，而且已經上緊第二堂，仲上咗一半添。
＜＜＜＜＜＜＜＜＜＜＜＜＜＜唔知點講，自己睇啦＞＞＞＞＞＞＞＞＞＞＞＞＞
倫理堂睇咗部有關第二次世界大戰既紀錄片，Ｄ德國佬真係好變態∼∼
佢地將Ｄ猶太人捉入一間超大型既"毒氣室"，然後放毒氣一次過殺死２５００個人。
二千幾條生命就喺十幾分鐘裏面無聲無息咁結束咗．．．．．．
呢個動作，佢地重複咗無數次．．．．．．
如果你係一個正常人，你一定會問：點解佢地要咁做？
原因？令人心寒．．．．．．
因為德國人認為佢地日以曼民族係全世界最優秀既民族，
佢地唔容許有其他人叻過自己，
而猶太人就偏偏叻過佢地（唔講你唔知，原來愛因斯坦都係猶太人黎架！）
所以佢地就決定殺哂所有猶太人．．．．．．唔通叻就要死？真係好唔公平！
我好懷疑，究竟佢地係點做得出Ｄ咁既事？
佢地（屍體）俾人掉哂落亂葬崗，我見到一大堆手手腳腳，血肉模糊，完全唔似係人．．．．．．
淨係睇住Ｄ相，見到咁多屍體，我已經覺得好噁心，好恐怖囉！
點解佢地親眼睇到咁多屍體，仲會殺得落手？
人真係一種好可怕既動物．．．．．
|
