今朝6點就起左身~~因為要踢學界~d傷風好返好多~~同顏曉一齊搭地鐵.......去到早得滯.....咁咪搵下間M記先囉~~因為佢地話約o係M記門口等.........點知搵唔到~~我就問個"實Q"....原來間M記唔知裝修緊定係"執"左.....總之就無左啦~~咁就陪顏曉去KFC食野囉~~之後d人就黎晒......9點幾落到去~~肥奎遲左好耐先到...........佢到左就帶我地去跑馬地馬場....隔離o個個足球場~~換完3就跑圈~熱身啦......再傳多陣波....就講出場陣容啦....佢話因為頭先有d人熱身時唔認真....所以唔比佢出住>> 我踢正選呀~左後衛~出到去個球證話我未訓醒~要精神d >> (咁我個樣係咁嫁嗎)!! 對o個隊係鬼仔學校~~一開波....比人壓住黎攻.....都幾辛苦下嫁.....走黎走去.........之後唔知點解無啦啦對方個前鋒囉到個波.....就即射...湯禮賢(龍門)用腳檔到嫁.....但係彈返出黎..比人地補射入左.....0:1......半場.....換返mary入去......我預左肥奎會換我出去....因為我唔係踢得好好又無嘜氣(傷風呀)......點知佢又無換wo~~咁下半場........本來都好地地.....點知就輸左球12碼>>話說當時我就幫手攻緊....企左o係半場度....點知人地囉到個波....我地有個球員都比佢過埋.........咁我就狂爆.....追到佢去到禁區頂....我壓住佢個身位..佢甩左腳.....就解圍啦....跟住人地開角球.........個波彈一彈地......韋建樂隻手就掂到個波.....搞到禁區hand-ball....12碼~~射入左啦~~0:2......之後我地個勢就好返d.....因為祖高爾做左前鋒................同埋吳樂民o係左邊都交到好多波...........但係次次都爭d囉.........mary又唔爆人wo.....如果唔係我諗都有多d射門嫁.....不過算啦........完場>>0:2 !!  雖然輸兩球~但係我踢足全場50分鐘呀~~都好開心嫁啦!!!