今日呆坐在家中,游手好閒,無咩好做。打左一陣勁舞覺得好悶就掛機啦,坐係沙發諗番平時我點滴。有一日放學同江靖儀搭小巴去觀塘,佢係小巴話過一句話:我細個無聊就試下用界刀界下自己,跟住漏血好痛。我諗我細個又好似試過咁,睇下痛嘅感覺。我諗好多人都試過啦,但係若果人無感覺,會點?感覺係好奇妙,亦有好多種感覺,每一種感覺,都好奇妙,好想去捉摸佢,但係又摸唔清,好複雜。現家啲年青人我發覺係濫用其中一種感覺,唔洗我講啦,係人都明邊種,就算你叫我講我都唔識講邊種架啦!佢地根本唔明白感覺,仍地要扮大人,唔想再比啊媽同啊爸管,這層我都好明白,我都係同你地差唔多年齡,之前我都係咁,但係自從"佢地"兩個嘅事之後,我發覺果種感覺好脆弱,尢其係我地咁嘅時候,未夠成熟。就好似一個芒果咁,我地現家只係半熟,過多一陣先會係好靘嘅黃色。我知我打哩遍野唔會有好多人明白,但係我都打左出哩,因為係我今日嘅收穫!有好多野都係要自己去領悟,人地講你係唔會明白,要自己去感受。
|
