今日又係運動場坐咗一日,悶到嘔...

好彩俾我呢個絕世叻女諗到偷聽mp3,

咁啱武敏輝過咗黎,

話「果位女同學落一落黎」,

我就望下後面,跟住佢話「唔使望喇,係你」,

跟住我諗今次我死梗喇,跟住有一個紮緊辮既女仔落咗去,

原來佢係話緊果個女仔d頭髮唔合規格,

我知道後成個人鬆晒,心入面諗我聰明一世,

好彩冇衰修尾,今日真係又驚又喜呀.(嚇死我呀)

今日黑仔到爆,獲獲撞板,

連個花灑都玩我,我只係輕輕一掂,

佢就即刻斷左,仲有等等既黑仔事,唔講啦,費事笑甩你地個口,

今日個天玩我,because我約左《過去的何群》,

我去果時候,行過天橋差d跌親,好彩冇...

我就話感謝神,呢頭講完,呢頭就<那野>

一出天橋佢d雨即刻落得仲大,但都唔緊要,照行,

但一到有瓦遮頭既地方,佢即刻冇雨,咁都唔夠串,

最串既係我一到大馬路果陣,好多冇bring遮既人,

衝曬紅燈,而我就堅持我一向既原則,唔衝紅燈,等綠燈,

點知我只等3分鐘既紅綠燈,d雨突然狂落,搞到好似等左20分鐘一樣,

件外套都濕曬,但一到商場佢又停左雨,串到死.