   |
|
中秋節!!! 打日記喇..... 尋日中秋,去長洲燒炭....不過無房租,諗住過埋夜,無得燒炭.... 3點幾約左表姐,姨姨o係皇后像廣場等....跟住一齊搭船....唉~我竟然唔記得拎部電話去叉電,搞到開唔到機.... 表姐佢地買左d好好玩ge波波...咁就o係度玩下,跟住又o訓下覺咁....覺得個口有水,以為邊個講野噴口水...原來出面落雨....仲俾我地見到彩虹...可惜部機無電,影唔到相.....就係咁搖下搖下(間唔中又有離心),搖左差唔多成個,就去到喇~ 第一次去,有d興奮...我地首先食魚蛋,o岩曬我,li排勁中意魚蛋,鈴聲都係魚蛋歌...d魚蛋好正呀!!!好味!!!仲有炸豆腐....正!!! 跟住4圍行下,有d似西貢....行到去海灘....好大風,不過好舒服....而且仲好大浪,好想落水...不過又唔得.... 之後又食野.....又4圍行,聽表妹講"朱古力獎門人"d劇情,佢講得好精彩,搞到我好想睇.... 6:xx去食晚飯,食完就去沙灘,仲未算好多人,不過佢地個個坐曬o係度,又無野做,好無聊~我同阿妹就除鞋玩浪!!! 跟住我地o係度煲蠟...不過勁大風,常日都點唔著,而且不時仲落雨,想盡興都唔得!!! 舅父佢地買左d野食返黎,有雪糕!!!求其用海水洗手就食~跟住d o靚仔扔d螢光棒落海,我同阿妹就o係度玩執螢光棒...執左兩枝! 玩左兩個中頭左右,去食糖水..."香芒涼粉豆腐花",有趣ge配搭,不過極少芒果,唔夠喉...叫左個"香芒糯米糍",好食!!不過阿勞xx食到好似人地食白粉,超搞笑,佢仲要o係度扮!!! 跟住我地搭10:30班船返去,入面個廁所好"宏偉",我唔洗開門,由上面可以見到入面ga~嘩!!好容易俾人睇到!!!又搖下搖下返到去..... 加埋搭車ge時間,都用左2粒中~返到去12點幾,就沖涼o訓覺喇~
刊登時間︰2005-09-19 09:28 PM
[ 編輯日誌 ] [ 分享至FACEBOOK ] 
|
||||||||||||||||||||||||||||||||||||||||||||||||||||||||||||||
2005 年 9 月 18 日 星期日 
